Өзбекстан Республикасы Министрлер Кабинетиниң 2020-жыл 20-апрелдеги 07/12-107-санлы хатына тийкарланып, “Ҳаял-қызлар ҳәмде ерлер ушын тең ҳуқық ҳәмде имканиятлардың кепилликлери” ҳаққындағы Қарақалпақстан Республикасы мәҳәлле ҳәмде шаңарақты қоллап-қуўатлаў министрлиги тәрепинен тастыйықланған ис-илажлар режесиниң тийисли бәнтлериниң орынланыўын тәмийнлеў, мәмлекетимизде әмелге асырылып атырған Гендер теңлиги мәселелерине байланыслы кең көлемли реформаларға педагог кадрлардың белсене қатнасыўын тәмийинлеў, жәмийетте ҳаял-қызлардың ҳәм ерлердиң тең ҳуқықлығы, ҳаял-қызлардың ҳуқықларын қорғаў мәселелерин түптен жетилистириўге қаратылған «Гендер теңлиги мәселерлери – педагоглар көз қарасында» идеясын кеңнен ен жайдырыў ҳәм де ҳаял-қызлар ҳуқықларын қорғаў, гендер теңлигин тәмийинлеў, жаслардың санасына руўхый-тәрбиялық, миллий қәдириятларды сиңдириў, жәмийетте тынышлық ҳәм татыўлықты сақлаў, шаңарақта, жәмийетте ҳаял-қызлардың тутқан айрықша орнын үгит-нәсиятлаў ҳәмде оларды мүнәсип хошаметлеў мақсетинде «Гендер теңлиги- дәўир талабы» атамасында шығармалар таңлаўы жәрияланды!
Таңлаўда Қарақалпақстан Республикасындағы Жоқары оқыў орынларында жумыс алып барып атырған, социаллық-сиясый, руўхый-ағартыўшылық билимлерге, абырай-итибарға ийе, белсенди, пидайы ҳәмде тәжрийбеге ийе болған профессор-оқытыўшылары, педагоглары ҳәмде психологлары қатнасыў ҳуқықына ийе!
Шығармалар таңлаўы Қарақалпақстан Республикасы Мәҳәлле ҳәмде шаңарақты қоллап-қуўатлаў Министрлиги, Өзбекстан Республикасы Миллий тиклениў демократиялық партиясы Қарақалпақстан Республикалық Кеңеси, Бердақ атындағы Қарақалпақ мәмлекетлик университети қарарына тийкар шөлкемлестирилди ҳәм 2021-жыл 1-10- июнь күнлери аралығында өткериледи. Таңлаўды шөлкемлестириў ҳәм өткериў менен байланыслы процеслерди басқарыўшы ҳәмде орынлаўшы шөлкем – Қарақалпақстан Республикасы Мәҳәлле ҳәм шаңарақты қоллап-қуўатлаў министрлиги. Шығармаларды электрон формада doc.файл ҳәмде pdf. көринисинде 2021-жыл 1-июннан 10-июнь күнине шекем +998 99 5452705- телеграмм номери арқалы онлайн қабылланады.
Таңлаўдың мақсети – мәмлекетимизде әмелге асырылып атырған Гендер теңлиги мәселелерине байланыслы кең көлемли реформаларға педагог кадрлардың белсене қатнасыўын тәмийинлеў, жәмийетте ҳаял-қызлардын ҳәм ерлердиң тең ҳуқықлығы, ҳаял-қызлардың ҳуқықларын қорғаў мәселелерин түптен жетилистириўге қаратылған «Гендер теңлиги мәселерлери – педагоглар көз қарасында» идеясын кеңнен ен жайдырыў ҳәм де ҳаял-қызлар ҳуқықларын қорғаў, гендер теңлигин тәмийинлеў, жаслардың санасына руўхый-тарбиялық, миллий қәдириятларды сиңдириў, жәмийетте тынышлық ҳәм татыўлықты сақлаў, шаңарақта, жәмийетте ҳаял-қызлардың тутқан айрықша орнын үгит-нәсиятлаў, ҳәмде қатнасыўшыларды мүнәсип хошаметлеў.
Төмендегилер таңлаўдың тийкарғы ўазыйпалар есапланады:
– Шығармада гендер теңлиги мәселелери, жәмийетте ҳәм шаңарақларда ҳаял-қызлардың тутқан орны, соның менен бирге ҳаял-қызлар ҳәмде ерлер ушын тең ҳуқық ҳәмде имканиятлардың кепилликлери, гендер теңлиги мәселелерин жарытып бериўде шығармада миллий қәдириятлардың сәўлелениўи көринген болыўы тийис.
-Шығарманың темасына байланыслы тийисли қәнигелерден (PhD ямаса пән докторының) рәсмий пикири менен биргеликте қабылланады.
Таңлаўда шығарманың қурылысына қойылатуғын талаплар:
а) Шығарманың темасы (Title)
б) Автордың толық аты, фамилиясы, (паспорт копиясы) жумыс орны, лаўазымы, телефоны. (Author information)
в) Аннотация , 3-тилде (Abstract)
г) Ключ сөзлер 3-тилде (Key words)
д) Kирисиў (Introduction)
е) Тийкарғы бөлим (Research, Analysis and results)
ж) Жуўмағы, усыныслар (Conclusion/Recommendations)
з) Пайдаланған әдебиятлар (Literature review)
и) шығарма өзбек ямаса қарақалпақ тилинде, кирилл әлипбесинде, минимум 5-6 беттен кем болмаўы тийис, шығарманың шрифти “Times New Roman”дa, 14 kegel де болып, қатар аралығы 1,5 интервалда болыўы зәрүр. Шығарманың текстинде беттиң оң, шеп тәрепинен 2 сантиметрден ибарат аралық қалдырылады. Талапқа жуўап бермейтуғын шығармалар қабылланбайды.
Таңлаў жеңимпазларына 1-2-3 орынлар бериледи, ҳәр бир орын саны екеў, оларды сертификатлар, естелик саўғалар менен сыйлықлаў таңлаўдың шөлкемлестириў комитети қурамы ҳәм қәўендерлер тәрепинен әмелге асырылады.
ҚМУ Ҳаял-қызлар кеӊеси.
Қарақалпақстан Республикасы Мәҳәлле ҳәмде шаңарақты қоллап-қуўатлаў Министрлиги