Усы жылдыӊ 1-июль сәнесинде Бердақ атындағы Қарақалпақ мәмлекетлик университетинде болған ушырасыӯда Белорусия Республикасының Витебск мәмлекетлик университети менен халықаралық бирге ислесиӯди жолға қойыӯға бағдарланған мәселелер бойынша пикир алмасты.

Ушырасыӯда Қарақалпақ мәмлекетлик университети ректоры Ахмед Реймов ҳәм Белорусия Республикасының Витебск мәмлекетлик университетинен Антонов Дмитрий Анатольевич ҳәм Янч Валерий қатнасты ҳәм бирге ислесиӯ бағдарында усынысларын билдирди.

Университет ректоры А.Реймов бул еки жоқары оқыӯ орынларының бирге ислесиӯлерин жоқары баҳалап, еӊ әҳмийетлиси бул бағдарда жетик қәнигелер таярлап шығарыӯда жаӊа басқыш болатуғынлығын айтып өтти.

П. М. Машерова атындағы Витебск мәмлекетлик университетиниӊ биринши проректоры Антонов Дмитрий Анатольевич пикирлесиӯлер даӯамында жақсы басламаларды қоллап–қуӯатлап, бирге ислесиӯге таяр екенлигин билдирди.

Ушырасыӯ даӯамында  еки жоқары оқыӯ орныныӊ бирге ислесиӯинде информациялық технологиялар бағдарында қоспа билимлендириӯ бағдарламалары (бакалавр ҳәм магистратура жөнелислери) бойынша шәртнамаға қол қойысты.

 

ҚМУ Баспасөз хызмети.