Eñ jaqsı jas kitapqumar tañlawı  

 

Hazirgi kúnde jaslar arasında kitapqumarlıq mádeniyatın asırıw maqsetinde birqansha jumıslar ámelge asırılıp kelmekte. Usı jumıslar dawamı esabında «Jaslar aylıg’ı» sheñberinde Nókis garnizonı Ruwxıylıq hám ag’artıwshılıq orayında jas áskeriy xızmetshiler ortasında «Eñ jaqsı jas kitapxan» tañlawınıñ arqa-batıs okrugı basqıshı ótkerildi. Tañlaw tórt shárt boyınsha ótkerildi:

1) Ózbek ádebiyatı bilimdanı

2) Jáhán ádebiyatı bilimdanı

3) Ullı shayır hám jazıwshılar ómiri ha’m dóretiwshiligi

4) Poyeziya.

  Qatınasıwshılardı Qaraqalpaq mámleketlik universiteti kitapxanası bas kítapxanashısı, «Kitapqumarlar» klubı basshısı Rawshan Qalmurzaeva, qaraqalpaq filologiyası ha’m jurnalistika fakulteti 4-kurs studenti Joldasbaeva Biybixadisha, shet tiller fakulteti 1-kurs studenti Kokanova Nursuliu bahalap bardı hám tañlawdı ótkeriwge ámeliy járdem kórsetti.

 Tañlaw júda qızıqlı bolıp, keskin básekilik tiykarında bolıp ótti. Tañlawda jámi altı áskeriy xızmetshi qatınasıp, 1-orıng’a Javlonbek Raximov,2-orıng’a Kamaladdin Abdullaev ham 3-orıng’a Muxriddin Muxitdinov ılayıq dep tabılıp, diplom hám de estelik sawg’alar menen sıylıqlandı.

 1-orın iyesi  J.Raximov avgust ayında Tashkent qalasında bolıp ótetug’ın tañlawdıñ Ózbekstan Respublikası basqıshına jollama aldı.

 

Ótkerilip atırg’an hár bir tañlaw jaslar arasında kitapqumarlıq mádeniyatın asırıw ushın izbe-iz qoyılıp atırg’an qádem esaplanadı. Usınday jarıs hám úgit-nasiyhat jumısların úzliksiz alıp barıw arqalı áskerlerdiñ tek qana fizikalıq jaqtan emes ruwxıy tárepten de kúshli bolıwın táminlew múmkin. Mine usı sebepten, universitet kitapqumarlar klubı hám arqa-batıs áskeriy okrugı turaqlı túrde birge islesip kelmekte.

 

Пайдалы дереклер

Skip to content