– Дүньядағы ең үлкен спорт жарысы болған Олимпия ойынларында қатнасыўдың өзи үлкен мақтаныш ҳәм жуўапкершилик есапланады. Буны ҳәммемиз жақсы түсинемиз.

… Биз Олимпиаданың жеңимпаз ҳәм сыйлы орын ийелери, олардың тренерлери және барлық қатнасыўшыларын мүнәсип сыйлықлаўға қарар еттик, – деди Президент Шавкат Мирзиёев.

Олимпиада алтын медалын қолға киргизген спортшыларға 200 мың АҚШ доллары, бронза медалы ийелерине 50 мың АҚШ доллары муғдарында бир мәртелик ақшалай сыйлық берилген болса, Олимпиада чемпионларының тренерлерине 40 мың АҚШ доллары, ал бронза медалын қолға киргизген спортшылардың тренерлери 20 мың АҚШ доллары муғдарында ақшалай сыйлықланыўы атап өтилди.

Сондай-ақ, Токио Олимпиадасына қатнасқан ҳәр бир спортшы ушын 5 000 АҚШ доллары муғдарында хошаметлеўши қаржылар тапсырылатуғынлығы мәлим етилди.

Ислам Матеков,
Қарақалпақстан хабар агентлиги.