🔥 “Yapon tili dógeregi” shólkemlestirilip atır

Sońǵı  jılları mámleketimizde shet tillerin oqıtıw boyınsha keń kólemli isler ámelge asırılmaqta. Húrmetli Prezidentimizdiń usı jılı 19-maydaǵı PQ-5117 sanlı qararı bul saladaǵı islerdiń bekkem irge tasın qaladı. Sol tiykarda elimizde shet tillerin oqıtıw boyınsha anıq mexanizmler jetilisiwine tiykar saldı. Atap aytqanda Qaraqalpaq mámleketlik universitetinde de sońǵı jılları oqıtılıp atırǵan shet tillerdiń sanı da ósip barmaqta.

2021-2022- oqıw jılınan baslap bul tillerdiń sanı jáne de kóbeydi. Usı tiykarda bıyılǵı oqıw jılınan baslap inglis tili hám ádebiyatı kafedrası tárepinen de basqa shet tilleri menen bir qatarda yapon tilin oqıtıw jolǵa qoyılıp atır. Kafedra tárepinen yapon tilin student jaslar arasında ele de keńnen en jayıw, olardıń bos waqtın mazmunlı ótkiziw hámde tilge bolǵan qızıǵıwshıǵılın arttırıw maqsetinde “Yapon tili dógeregi” shólkemlestirilip atır. Bul dógerekke yapon tiline qızıǵıwshı jaslar kelip biypul  bilim alıwǵa boladı. Dógerek hápteniń hár dúyshembi kúni saat 16:00 de baslanadı. Bárshe qızıǵıwshı student jaslardı kútip qalamız.

 Qaraqalpaq mámleketlik universiteti

inglis tili hám ádebiyatı kafedrası

 

Пайдалы дереклер

Skip to content