2021-jıl 24-oktyabr Ózbekstan xalqı ushın áhmiyetli sáne. Bul kúni hár bir puqaranıń joqarı huquqı bolģan Ózbekstan Respublikası Prezidenti saylawı bolıp ótedi. Jańa Ózbekstanda Úshinshi Renessans qurıw aldında bul siyasıy mapaz hárdayımģıdan da qızģın tús almaqta. Bunı saylaw aldı úgit-násiyat jumıslarınan da bilsek boladı.
Mine usınday ilájlar Berdaq atındaģı Qaraqalpaq mámleketlik universiteti Tariyx fakultetinde de qızģın alıp barılmaqta. Studentlerdiń siyasıy bilimlerin asırıw, siyasıy mádeniyatın joqarılatıw maqsetinde saylaw aldı úgit-násiyat jumısları fakultet dekanı hám professor oqıtıwshılar basshılıģında alıp barılmaqta. Ásirese kuratorlıq saatı watında bárshe topar basshıları tárepinen túsindiriw ilájları keńnen alıp barılıp, student jaslardıń siyasıy belsendiligin asırıwģa háreket etpekte. Bunday ilajlarģa fakultetimizdiń hár tarawda belsendi jasları da óz ùlesin qosıp atır.
Biz, jaslar, óz konstituciyalıq huquqımız bolģan óz keleshegimiz ushın isenimli wákilge dawıs beriwge hámmeni shaqırıp qalamız.
«Jańa Ózbekstan keleshegi ushın isenimli talabanģa dawıs beremiz!!!»
Gózzal Jumamuratova
Tariyx fakulteti Filosofiya qánigeligi 2-kurs studenti
