Tańlaw tómendegi nominaciyalar boyınsha ótkeriledi:

1) “Jıldıń eń belsendi bilimli studenti” (óz qánigeligi boyınsha), bunda studenttiń pánlerdi ózlestiriwi hám oqıw barısındaǵı sabaqlarǵa qatnası hám belsendiligi, baspadan shıǵarılǵan maqala hám tezisleri hám de olardıń mazmun-mánisi, aktuallıǵına tiyisli jumıslar kórip shıǵıladı;

 2) “Jıldıń eń belsendi úgit-násiyatlawshı studenti”, bunda studenttiń joqarı oqıw ornı jámiyetlik jumıslarındaǵı hám basqa jámiyetlik shólkemler iskerligindegi ámeliy qatnası, belsendilik dárejesi, úgit-násiyatlawshı sıpatında úlgili jumısları, shólkemlestiriwshilik qábileti hám sol tiykarda ózi shólkemlestirgen ilajlar mazmunı, erisken jetiskenlikleri kórip shıǵıladı;

 3) “Jıldıń eń belsendi oylap tabıwshı -innovator studenti”, bunda bıyılǵı jılda student tárepinen jaratılǵan ilimiy jumıslar, oylap tabılǵan isler, innovaciyalıq ideyaları, racionalizatorlıq usınısları, olardıń jańalıǵı, aktuallıǵı hám ilimiy áhmiyeti kórip shıǵıladı;

 4) “Jıldıń eń belsendi sportshı studenti”, bunda bıyılǵı jılda studenttiń xalıqaralıq hám respublika kólemindegi ótkerilgen sport jarıslarındaǵı jetiskenlikleri hám erisken nátiyjeleri kórip shıǵıladı;

 5) “Jıldıń eń belsendi bloger studenti”, bunda studenttiń bıyılǵı jılda social tarmaqlarda ózi jaratqan bilim alıwǵa student-jaslardı shaqırıwshı islenbeleri hám joqarı oqıw ornınında alıp barılıp atırǵan reformalardı ashıp beriwde belsendilik dárejesi hám de bul tarawda erisken jetiskenlikleri kórip shıǵıladı;

 6) “Jıldıń eń belsendi dóretiwshi studenti”, bunda studenttiń ózi tańlaǵan qánigeligi baǵdarına qaramastan muzıka, ádebiyat, kórkem óner hám teatr tarawındaǵı qızıǵıwshılıqları hám bıyılǵı jılda erisken nátiyjeleri kórip shıǵıladı;

 7) “Jıldıń eń belsendi isbilermen studenti” (hayal-qızlar ushın), bunda bıyılǵı jılda erkin túrde isbilermenlik iskerligin jolǵa qoyǵan student-qızlardıń erisken jetiskenlikleri hám de jaslardı jumıs penen támiyinlegenlik dárejesi kórip shıǵıladı.

Tańlawda universitette úzliksiz (akademiyalıq demalıssız) kúndizgi tálim formasında oqıp kiyatırǵan 2-3-4-basqısh studentler iqatnasadı.

Tańlawdıń universitet basqıshındaq atnasıw qálewin bildirgens tudentler tárepinen usınıs etilgen hújjetler kompleksi tálim alıp atırǵan fakultet dekanatı tárepinen saylap alınad ıhám noyabrayınıń 16-sánesine shekem hújjetler kompleksin tańlawk omissiyasına yaǵnıy ruwxıylıq bólimine usınıwı shárt.

Tańlawda qatnasıw qálewin bildirgen studentler tiyisli bolǵan tómendegi hújjetler kompleksi fakultet dekanatı tárepinen tayarlanadı hám tańlaw komissiyasına usınıs etiledi:

– tańlaw qatnasıwshısınıń qábileti, pánlerdi ózlestiriw dárejesi, jetekshilik qábileti, erisken jetiskenlikleri, sabaqlardaǵı belsendi qatnası, studentlerge órnek bolatuǵın tárepleri hám jámiyetlik jumıslardaǵ ıiskerligi haqqındaǵı maǵlıwmatlar aytılǵan eki betten aspaytuǵın kólemdegi usınısnama;

– tańlaw qatnasıwshısınıń pánlerdi ózlestiriw nátiyjeleri sáwlelengen hújjetler (bahalardı atap kórsetiw qaǵaqzları, studenttiń bahalardı ózlestiriw sınaq dáptershesi) nusqaları;

 – tańlaw qatnasıwshısınıń baspadan shıǵarılǵan ilimiy, ilimiy-metodikalıq, dóretiwshilik jumısları, olarǵa tiyisli qánigelerden alınǵan recenziyalar menen birge hám dóretiwshilik islerdiń electron forması;

 – xalıqaralıq hám respublika kóleminde ótkerilgen ilajlar, tańlawlarda eń húrmet jarlıqlar hám diplomlar menen sıylıqlanǵanlıǵı haqqındaǵı maǵlıwmatlar (nusqaları qosımsha etiledi);

– grantlarda qatnasqanlıǵı haqqındaǵı málimleme, granttıń atı, finanslıq támiyinlew kólemi, qatnasıwdıń forması hám dárejesi kórsetiledi;

– konferenciyalardaǵı qatnası haqqındaǵı maǵlıwmatlar, ilimiy jumıslar dizimi hám ilimiy jumıslar nusqaları qosımsha retinde usınıs etiledi;

– hújjetler kompleksin eki rgizilgen materiallar hám informaciyalar usı jıl dawamında baspadan shıǵarılǵan bolıwı kerek.

Nominaciyalar boyınsha 1, 2 hám 3-orınlardı iyelegen jeńimpazlar universitet tárepinen húrmet jarlıǵı menen sıylıqlanadı hám de tiyisli túrde 1-orın iyesi bazalıq esaplaw muǵdarınıń 8 esesi muǵdarında, 2-orın iyesi bazalıq esaplaw muǵdarınıń 6 esesi muǵdarında hám 3-orın iyesi bazalıq esaplaw muǵdarınıń 4 esesi muǵdarında materiallıq xoshametlenedi.

Tańlawdıń Respublika basqıshında hár bir nominaciya boyınsha 1, 2 hám 3-orın jeńimpazları bolǵan qatnasıwshılar tańlaw statuetkası, gúldáste, Joqarı hám orta arnawlı bilimlendiriw Ministirliginiń tiyisli dárejedegi diplomları hám 1-orın iyesi bazalıq esaplaw muǵdarınıń 15 esesi muǵdarında aqshalay sıylıq, 2-orın iyesi bazalıq esaplaw muǵdarınıń 10 esesi muǵdarında aqshalay sıylıq hám de 3-orın iyesi bazalıq esaplaw muǵdarınıń 8 esesi muǵdarında aqshalay sıylıq penen sıylıqlanadı.

Tańlaw múddeti: Noyabr ayınıń 16-sánesine shekem hújjetler kompleksin tańlaw komissiyasına yaǵnıy ruwxıylıq bólimine usınıwı shárt. Kórsetilgen sáneden keshigip usınıs etilgen hújjetler qabıl etilmeydi.