Berdaq atındaǵı Qaraqalpaq mámleketlik universiteti rektorı Axmed Reymov Moskva qalasında M.V.Lomonosov atındaǵı mámleketlik universitetinde «Ózbekstan-Rossiya bilimlendiriw forumı»na qatnasıp, Xalıqaralıq forum sheńberinde bir qatar abroylı joqarı oqıw orınları menen óz-ara birge islesiw boyınsha sóylesiwler alıp barmaqta.
Atap aytqanda, Qazan Federal universiteti menen birgelikte qánigelerdi tayarlaw barısında birge islesiwdi keńeytiw, eki joqarı oqıw orınları arasında student hám professor-oqıtıwshılar almasıwı, birgelikte ilimiy hám oqıw qollanbaların jaratıw, qospa ilimiy-izeritlew hám akademik almasıw baǵdarlamaların ámelge asırıw boyınsha shártnamaǵa qol qoyıstı.
QMU Baspasóz xızmeti