«Ózbekstan-Rossiya bilimlendiriw forumı»na Berdaq atındaǵı Qaraqalpaq mámleketlik universiteti rektorı Axmed Reymov qatnasıp atır. Bul óz náwbetinde universitetimiz ushın ayrıqsha áhmiyetke iye bolıp, joqarı bilimlendiriwdegi óz-ara birge islesiw hám keleshektegi rejelerge tiykar jaratadı.

Usı jıldıń 16-17-noyabr kúnleri Moskva qalasında M.V.Lomonosov atındaǵı mámleketlik universitetinde «Ózbekstan-Rossiya bilimlendiriw forumı» bolıp ótpekte. Onda  eki mámlekettiń 100 den artıq belgili joqarı oqıw orınları rektorları qatnasıp atır.

Xalıqaralıq forumınıń maqseti Ózbekstan hám Rossiya ortasında zamanagóy baǵdarlar hám qánigelikler boyınsha tájiriybeli qánigeler tayarlaw hám de ilimiy-izeritlew tarawında óz-ara birge islesiwdi jańa basqıshqa alıp shıgıwdan ibarat 

II Rossiya-Ózbekstan bilimlendiriw forumı sheńberinde Berdaq atındaǵı Qaraqalpaq mámleketlik universiteti hám Donsk mámleketlik texnika universiteti arasında qánigelerdi tayarlaw barısında birge islesiwdi keńeytiw, qospa ilimiy-izeritlew hám akademik almasıw baǵdarlamaların ámelge asırıw boyınsha shártnamaǵa qol qoyıstı.

QMU Baspasóz xızmeti