Joqarı oqıw orınları kredit –modul sistemasına ótkenligi sebepli universitetimizde barlıq fakultetlerde kafedra baslıqları hám professor –oqıtıwshıları ushın «Kredit-modul sisteması tiykarında bilimlendiriw processlerin shólkemlestiriw» baǵdarında seminar sabaqları dawam etpekte.
2021-jıl 29 noyabr-16 dekabr kúnleri aralıǵında Ózbekstan Respublikası joqarı hám orta arnawlı bilimlendiriw Ministirliginiń 2021-jıl 19 -noyabrdegi 483-sanlı buyrıǵına tiykarlanıp Ózbekstan Respublikası Joqarı hám orta arnawlı bilimlendiriw Ministirligi Joqarı bilimlendiriw sisteması pedagog hám basshı kadrlardı qayta tayarlaw hám olardıń mamanlıǵın asırıwdı shólkemlestiriw Bas Ilimiy – Metodikalıq Orayı tárepinen joqarı oqıw orınları basshı hám pedagog kadrları ushın «Kredit-modul sisteması tiykarında tálim processlerin shólkemlestiriw» boyınsha qısqa múddetli trenerler tayarlaw kursı dúzildi. Bul kursqa Qaraqalpaq mámleketlik universitetinen hár fakultetten bir oqıtıwshıdan jámi 16 oqıtıwshı bir háptelik oqıw seminarlanına qatnasıp, trenerlik guwalıqnamasın alıwǵa miyasar boldı.
2022- jıldıń 5-6 -yanvar kúni Ximiya texnologiya fakultetiniń dekanı Baxtiyar Nurımbetov hám kredit –modul sisteması boyınsha oqıw kursına qatnasıp kelgen fizikalıq hám kolloidlıq ximiya kafedrası docenti Zamira Uzaqbergenovalar tárepinen fakultetimizdiń professor oqıtıwshıları hám tyutorlarına seminar sabaqları όtkerildı. Seminar dawamında kredit-modul sistemasınıń tiykarǵı túsinikleri, shet el kredit sistemalarına analiz, kredit bόlimi hám registrator ofis bόlimleriniń wazıypaları, studentlerdiń όz betinshe jumısların hám Málimleme resurs orayları xızmetlerin shόlkemlestiriw, kredit-modul sistemasında oqıw processlerin shόlkemlestiriw hám HEMIS programmasında islew máseleleri tayarlanǵan prezentaciya materialları arqalı tolıq túsindirilip berildi.
Evropa kredit sistemasın (ECTS- European Credit Transfer System) engiziw, áwele, zamanagóy korporativ basqarıw sistemasın hám joqarı oqıw orınlarında tálim sapasın támiyinlewdiń nátiyjeli mexanizmlerin engiziwdi talap etetuǵınlıǵı haqqında keń túsinik berildi.
Ximiya-texnologiya fakultetiniń dekan orınbasarı Sultanov Gulomjon
