«Kredit-modul sisteması tiykarında oqıw processlerin shólkemlestiriw» hám HEMIS platformasınan paydalanıwdıń abzallıqları

Usı jıldıń 5-6- yanvar kúnleri Fizika fakultetinde «Kredit-modul sisteması tiykarında oqıw processlerin shólkemlestiriw» hám Hemis platpormasınan paydalanıwdıń abzallıqları haqqında seminar sabaqları bolıp ótti. Bul haqqında fakultet dekanı Abat Muratov sózge shıqtı hám Ózbekstan Respublikası Ministrler kabinetiniń 2020-jıl 31-dekabrdegi «Joqarı bilimlendiriw mekemelerinde bilimlendiriw processin shólkemlestiriw menen baylanıslı sistemanı rawajlandırıw is-ilajları haqqında»ǵı 824-sanlı qararı hám ECTS (European credit transfer system) sistemasın engiziwdiń wazıypaları haqqında tanıstırıp ótti.

2021-jıldıń 29-noyabrinen 16-dekabrine shekem Ózbekstan Respublikası Joqarı hám orta arnawlı bilimlendiriw sisteması pedagog hám basshı kadrlar ushın qısqa múddetli tayarlaw kursına qatnasıp, trenerlik gúwalıǵın alǵan Muxammedgali Mamutov tárepinen kórgizbeli slaydlar menen dawam ettirildi.

ECTS sistemasın engiziwdiń wazıypaları:

-rawajlanǵan mámleketlerdiń joqarı oqıw orınlarınıń aldıńǵı tájiriybe hám usınıslarınan paydalanıp, xalıqaralıq bilimlendiriw standartların engiziw;

-sapalı oqıw baǵdarlamaları hám oqıw materialların islep shıǵıw arqalı bilimlendiriw sapasın asırıw;

-pedagog kadrlardıń potencıalın asırıwǵa kómeklesiwshi báseki ortalıǵın jaratıw;

-studentke ózbetinshe islew imkaniyatın jaratıw hám olardıń bilimin bahalawdıń járiyalılıǵın támiyinlew.

HEMIS programmasında islew máseleleri prezentaciya materialları arqalı qatnasıwshılardıń dıqqatına tolıq jetkerilip berildi.

Seminarda qatnasqan profıessor-oqıtıwshılar, fakultet tyutorları ózlerin qızıqtırǵan sorawlarına tolıq juwaplar aldı.

Gulistan Nurımbetova,

Fizika fakulteti oqıtıwshısı

 

Пайдалы дереклер