Shaxmat boyınsha studentler ortasında ótkerilgen «Universitet kubogi» onlayn jarısı juwmaqlandı

Qaraqalpaq mámleketlik universiteti rektoratı hám Universitet Jaslar awqamı baslanǵısh shólkemi menen birgelikte 16-17-yanvar kúnleri student jaslar hám professor-oqıtıwshılar ortasında sporttıń shaxmat túri boyınsha universitetimizde ekinshi márte «Universitet kubogı» onlayn jarısı ótkerildi.

Jarısta qatnasıw ushın 150 den artıq qatnasıwshı dizimnen ótti. Qatnasıwshılar tiykarınan universitet studentleri, magistrantlar hám professor-oqıtıwshılar.

Saralaw basqıshları hám final oyınları lichess.org saytı arqalı Arena formasında ótkerildi hám eń kóp ochko toplaǵan 20 qatnasıwshı finalǵa shıqtı. Final shvetsarcha sistemada, 7 tur bolıp ótti.

Oyın nátiyjeleri menen tanısıń:

1-orın Saparbaev Abbaz,

Matematika fakulteti 3-basqısh studenti

2-orın Turģanbaev Jórabek,

Matematika fakulteti 1-basqısh studenti

3-orın Auezimbetov Abbaz,

Yuridika fakulteti 2-basqısh studenti

Professor oqıtıwshılar arasında:

Jolibekova Indira

Yuridika fakulteti

Qızlar arasında;

Orınbaeva Aziza,

Fizika fakulteti 1-basqısh studenti

eń jaqsı nátiyjelerdi belgiledi.

Shólkemlestiriwshi hám jarıstıń ádalatlı ótiwin támiyinlegen Matematika fakulteti 3-kurs studenti Kamalov Temurǵa Universitet Jaslar awqamı atınan minnetdarshılıq bildirildi.

2-kurs magistrant Atabek Tursinbaev

Пайдалы дереклер