Студент қызларымыздыӊ уқып ҳәм қәбилетин еле де раӯажландырыӯ бағдарындағы таӊлаӯ

Қарақалпақ филологиясы ҳәм журналистика факультетинде студент қызлардыӊ қәбилетин қоллап-қуӯатлаӯ мақсетинде «Мениң бос ўақтым» атамасында таңлаў өткерилди. Таңлаў 3 номинация бойынша алып барылды.

Таңлаў шәртлери:

  1. Пәзенде қызлар номинациясы – бунда аўқат писириў, кондитер өнимлерин таярлаў, салат ислеў.
  2. Шебер қоллар номинациясы – бунда тоқымашылық, кесте тигиў, бисер токыў, қурақ қураў, тигиншилик, шаш түрмеклеў сыяқлы ҳәр қыйлы өнерлериңизди көрсетиў.
  3. Талантлы қызлар номинациясы – бунда қосық айтыў, аяқ ойын, көркем оқыў, сүўрет салыў усаған ҳәрким өз өнерин көрсетиў.

Таңлаўда студент қызлар өзлериниң бос ўақытларында жақсы көрип ислейтуғын өнерлерин 3 минутлық видеоға сапалы етип алып жибереди. Жыйналған материалларды факультетимиздиң профессор-оқытыўшыларынан дүзилген төрешилер қурамы тексерип көрип,  мийнетлерин әдил баҳалап, қызлардың орынларын белгилеп берди.

Солай етип, 1 номинация бойынша 1-орын Ш.Амантаева, 2-орын Қайпанова Гулзийраға;

2 номинация бойынша 1-орын Жалғасбаева Гулзада, 2-орын Акимниязова Зухраға, 3-орын Жолдасова Элза ҳәм Турдыманбетова Айнураларға;

3-номинация бойынша 1-орын Гулчеҳра Айтмуратова, 2-орын Элза Жолдасова, 3-орын: Зухра Бахадироваға берилди.

Таңлаў факультет Ҳаял-қызлар мәселелери бойынша декан мәсләҳәтшиси А.Қазақбаева тәреинен шөлкемлестирилди.

Таӊлаӯ жуўмағында студент қызлар диплом ҳәм саўғалар менен сыйлықланды.

 

Қарақалпақ филологиясы ҳәм журналистика факультети

хаял-қызлар мәселелери бойынша декан мәсләҳәтшиси А.Қазақбаева.

 

Пайдалы дереклер