Matematikalıq analiz kafedrası oqıtıwshısı docent (PhD) G.Izetaeva studentler jataqxanasında qızlar menen ushırasıw ótkerdi. Ushırasıwda “Hayal-qızlardıń jámiyettegi ornı” temasında sáwbet alıp barıldı. Bul tema boyınsha G.Izetaeva turmıslıq tájiriybelerinen kelip shıǵıp bayanat jasadı hám student qızlardıń qızıqtırǵan sorawlarına juwap berdi.

Studentler turar jayı – studentlerdiń ekinshi úyi. Olar ózlerini óz úyinde júrgendey seziniwi ushın bul jerde soǵan ılayıq sharayatlar jaratılǵan. Bul jerdegi qolaylılıq, olar ushın qayǵırıp atırǵan ustazlar, pedagoglar hátteki, qarawıllardıń student bolıp qalǵısı keledi. Imarattıń sırtı hám ishi zaman talaplarına sáykes qayta islep shıǵıldı. Texnika hám órt qáwipsizligi hámde sanitariya halatı talabına tolıq juwap beredi.

Universitet studentler turar jayındaǵı «Mánawiyat hám mádeniyat» bólmeleri joqarı dárejede shólkemlestirilgen, qattı hám jumsaq mebeller qoyılǵan, gilemler tóselgen. Studentler turar jayında studentlerdiń mádeniy dem alıwları ushın barlıq qabatlarǵa televizorlar qoyılǵan hám barlıq xanalar jańa mebeller menen támiyinlengen. Studentler ushın juwınıw xanaları bar bolıp hám olar ıssı suw menen támiyinlengen. Turaqlı túrde ıssılıq penen támiyinlew maqsetinde zamanagóy ısıtıw sistemaları ornatılǵan. Studentler sabaq tayarlawı ushın sońǵı modeldegi kompyuterler menen támiyinlengen bolıp, Wi-Fi arqalı internet tarmaǵına jalǵanǵan.