Ulıwma biologiya hám fiziologiya kafedrasınıń dotsenti Maturazova Elmira Matiyazovna 2022-jıldıń 19-fevral kúni Ishki Isler ministrliginde Náshebentlikke qarsı gúres hám jaslardı salamat turmıs tárizine tayarlaw temasındaǵı oqıw-seminarda óz bayanatında Ózbekstan Respublikasında «Náshebentlik ásir obası» máselesi kútá úlken mashqala bolıp kiyatırǵanın aytıp, ılajı bolǵanınsha qadaǵalawdı kúsheytiw zárúr ekenligin atap ótti. Keyninen házirgi kúnde dúnya xalqı birlesip ásir obası bolǵan náshebentlikke qarsı gúres alıp barılıp atırǵanlıǵı, sebebi, bul illettiń aldın almasa insaniyat tariyxında ayanıshlı hádiyseler júz beriwi múmkinligi haqqında ayttı. Adasıp náshebentlik jolına kirip qalǵanlardı emlew júdá qıyınlıǵı, kópshilik bunday nawqaslar jábirleniwshilerge aylanǵanlıǵı, usınıń sebebinen xalıqaralıq shólkemler de birgelikte bul illetke qarsı gúres alıp barılıp atırǵanlıǵı, lekin soǵan qaramastan qara dári satıwshılar túrli jollar menen jaqsı dáramat tabıw maqsetinde qara dári satıwǵa háreket etip atırǵanlıǵı, biz bárshemiz keleshegimiz bolǵan áwladımızdı bunday bále-qádelerden saqlaw ushın mudamı sergek bolıwımız kerekligi haqqında aytıp ótti. Jıynalıs qatnasıwshısıları tárepinen berilgen sorawlarǵa juwap berildi.
