⚡️Berdaq atındaǵı Qaraqalpaq mámleketlik universitetinde Ózbekstan Respublikası Innovaciyalıq rawajlanıw ministrligi Qaraqalpaqstan Respublikası Ilimiy texnikalıq keńesiniń májlisi bolıp ótti

 2022-jıl 2-mart kúni Qaraqalpaq mámleketlik universitetinde Ózbekstan Respublikası Innovaciyalıq rawajlanıw ministrligi Qaraqalpaqstan Respublikası Ilimiy texnikalıq keńesiniń májlisi ótkerildi. Májlis kún tártibinde Qaraqalpaqstan Respublikası Ministrler Keńesi tárepinen qarjılandırılatuǵın jergilikli aymaqlıq kommerciyalizaciyalastırıwǵa tayar bolǵan joybarlardıń prezentaciyaları kórip shıǵıldı. Májliste Qaraqalpaqstan Respublikası aymaqlıq innovaciyalıq rawajlanıw basqarması baslıǵı N.Kayupov, respublikadaǵı joqarı oqıw orınlarınıń prorektorları, ilim-izertlew institutlarınıń direktor orınbasarları hám de tayar islenbeleri, joybarları menen kelgen professor-oqıtıwshılar, alımlar hám jas innovatorlar qatnastı. 

Májlisti Qaraqalpaq mámleketlik universitetiniń Ilimiy isler hám innovaciyalar boyınsha prorektorı I.Turdimambetov, Qaraqaqalpaqstan Respublikası aymaqlıq innovaciyalıq rawajlanıw basqarması baslıǵı N.Kayupov kiris sóz benen ashıp berdi hám óz joybarları menen kelgen barlıq qatnasıwshılarǵa tabıslar tiledi.

 

Májlisti Qaraqalpaqstan Respublikası Ilimiy texnikalıq keńesiniń baslıǵı orınbasarı S.Qurbanbaev alıp bardı. Respublikadaǵı joqarı oqıw orınları, ilim-izertlew institutlarınan  kelgen professor-oqıtıwshılar, alımlar hám jas innovatorlardıń joybarları kórip shıǵıldı. Májlis sońında respublika xalıq xojalıǵındaǵı áhmiyetin esapqa alǵan halda ITK aǵzaları tárepinen  kommerciyalizaciyalastırıw ushın tastıyıqlanǵan  10 nan aslam joybarlar qatarınan Berdaq atındaǵı Qaraqalpaq mámleketlik universiteti professor-oqıtıwshılarınıń tómendegi joybarları da qarjılandırıwǵa usınıs etildi:

    1. “Energiya tejemli lego gerbish”. Proekt baslıǵı: Arxitektura kafedrası úlken oqıtıwshısı N.Kaliev;
    2. “Házirgi kúnde bel awırıwı, beldegi grija, gemorroy, jatıp qalıw aqıbetinde kelip shıǵatuǵın jara kesellikleriniń kóbeyip ketiwiniń profilaktikalıq aldın alıwda eko-matras islep shıǵarıw”. Proekt baslıǵı: Qurılıs fakulteti tyutorı B.Ubaydullaev;
    3. “Vita Karakalpak MA-4”. Proekt baslıǵı: Biologiya ilimleri doktorı, professor M.Allaniyazova;
    4. “Qubla Aral boyı ekologiyalıq sistemasında termitler zıyanınan qorǵanıwda urbanlasqan aymaqlar (xalıq úyleri hám mádeniy miyras obektleri) profilaktikası”. Proekt baslıǵı: Biologiya ilimleri doktorı, docent T.Júginisov.

Barlıq joybar iyelerin jetiskenlikleri menen qutlıqlaymız.

 

Qaraqalpaq mámleketlik universitetiniń Ilimiy isler hám innovaciyalar bólimi

 

 

Пайдалы дереклер