Korrupciyaǵa baylanıslı jınayatlardıń aldın alıwǵa qaratılǵan is-ilajlar Joqarı oqıw orınlarında dawamlı túrde alıp barılıp, bul óz náwbetinde jaqsı nátiyjesin bereri anıq.
Usı jıldıń 14-mart kúni universitet mádeniyat sarayında Qaraqalpaqstan Respublikası Joqarı oqıw orınlarında Prokuratura, Sud, Ishki isler organları xızmetkerleri hám Arqa-Batıs áskeriy okrugi áskeriy xızmetkerleriniń tarawǵa baylanıslı bayantaların shólkemlestiriw boyınsha Qaraqalpaqstan Respublikası Ministrler Keńesi tárepinen tastıyıqlanǵan KESTEge muwapıq universitet professor-oqıtıwshıları hám de student-jasları arasında “Korrupciyaǵa baylanıslı jınayatlardıń aldın alıwǵa qaratılǵan is-ilajlar” atamasında ilaj ótkerildi.
Ilajdı Qaraqalpaq mámleketlik universitetiniń jaslar máseleleri hám ruwxıy-aǵartıwshılıq isleri boyınsha prorektorı Saxabatdin Alawatdinov alıp bardı.
Qaraqalpaq mámleketlik universiteti Jınayıy-huqıqıy hám puqaralıq-huqıqıy pánler kafedrası assistenti – Klicheva Benazir óziniń bayanatı menen qatnastı.
Ilajda shıǵıp sóylewshiler tárepinen korrupciyaǵa baylanıslı jınayatlardıń aldın alıwda hár bir adam juwapker ekenligi atap ótildi.