Sergeklik- dáwir talabı

Usı jıldıń 16- mart sánesinde Sanaat texnologiyası fakultetinde  «Sergeklik- dáwir talabı» atamasında Qaraqalpaqstan Respublikası Ishki isler ministrligi, Jol háreketi qáwipsizligi basqarması qaniygeleri menen ushırasıw bolıp ótti. Bul ushrasıwǵa fakultetimiz prosffessor -oqıtıwshıları, tyutorlar hám student jaslar qatnastı.

Ushırasıwdı fakultetimiz dekanı R.Qurbaniyazov ashıp berdi hám ushırasıw miymanları menen tanıstırıp ótti.

Bunnan keyingi sóz náwbeti Qaraqalpaqstan Respublikası Ishki isler ministrligi jol háreketi qáwipsizligi basqarması qıdırıw, sorastırıw bólimi baslıǵı leytenant A.Batirovǵa berildi. Ol óz sózinde áhmiyetli máselelerdiń biri bolǵan jol háreketi qaǵıydaları hám olarǵa boysınbaw yáki buzıw nátiyjesinde kelip shıǵatuǵun unamsız waqıyalardıń aldın alıw ushın ámelge asırılıp atırǵan is-ilájlar haqqında toqtalıp ótti. Jáne de, barlıq qatnasıwshılarǵa jeke transport qurallarınan paydalanǵan waqıtta jol háreketi qaǵiydalarına tolıq ámel etiw kerek ekenligi haqqında eskertip, óz jeke transport quralların qarawsız qaldırmaw kerekligi haqqında aytıp ótti. Bunnan basqa da, bul qaǵıydalardı buzǵan shaxslarǵa nızam tárepinen arnawlı sharalar kóriliwi boyınsha túsinik berdi. Qatnasıwshılar joqarıdaǵı máseleler boyınsha ózlerin  qızıqtırǵan sorawların berip, qániygeler tárepinen tiyisli juwaplar aldı.

 

Sanaat texnologiyası fakulteti  3-kurs studenti Ǵayipbaeva Dinara

Пайдалы дереклер