Bizler , qaraqalpaq filologiyası hám jurnalistika fakultetiniń qaraqalpaq filologiyası qániygeliginiń 2-“A” ziyrek toparınıń studentleri qaraqalpaq til biliminiń jańa tarawlarınıń biri “Lingvopoetika” páninen ustazımız Gúljahan Allambergenovanıń tapsırmasına kóre alǵan teoriyalıq bilimlerimizdi ámeliy túrde prezentaciyalar arqalı bekkemlep atırmız . Hár bir student qaraqalpaq ádebiyatındaǵı shayır hám jazıwshılar tuwralı jańa pedagogikalıq texnologiyalardan paydalanıp prezentaciya tayarlap, qalǵan studentlerge usındı. Olar dóretiwshilerdiń ómiri hám shıǵarmalarındaǵı fonetikalıq , leksikalıq hám grammatikalıq ózgeshelikler boyınsha maǵlıwmatlar berdi. Studentlerdiń bilimin bekkemlew maqsetinde dóretiwshiler miynetlerinen mısallar keltirildi. Bul boyınsha pikirler ortaǵa taslanıp, dodalandı. Dóretpelerdegi ózine tán ózgeshelikke iye bolǵan fonetikalıq qubılıslar boyınsha keń túrde maǵlıwmatlar berildi . Bunday túrdegi ilajlar studentler arasında maǵlıwmat almasıw hám bilimlerin bekkemlewge, pikirlerin erkin túrde bildiriwge járdem beredi. Ámeliy sabaqlar dawam etiwi kózde tutılǵan.
Qaraqalpaq filologiyası hám jurnalistika fakulteti 2 “A” topar studenti
Esemuratova Shaxnoza
