⚡️ Mehir baģıshlaģan ushırasıw

Biologiya fakulteti ekologiya hám qorshaģan ortalıqtı qorģaw tálim baģdarı 2-kurs studenti Bazarbaev Dawletbay balalıqtan 1-topar mayıbı bolıp, búginģi kúnde ol aralıqtan oqıp bilim alıp atır. Soģan qaramastan onıń oqıwģa, ilim alıwģa degen qızıģıwshılıģı bálent. Ol ádebiy kitaplardı oqıw menen birge ozi de qosıq jazıwģa qızıģadı hám qálem terbetedi.

Nawrız bayramı qarsańında Dawletbaydıń «Jaqsılıqqa jetelewshi insan» atlı kitabı baspadan shıqtı. Topar studentleri menen Dawletbaydı kórip, xabar alıwģa barģanımızda mine usı quwanıshlı xabardı esitip birge bólistik. Dawletbayģa fakultetimizde ótkerilgen onlayn «Zakawat» oyınlarında jaqsı qatnasqanı hám jaqsı nátiyje kórsetip óz bilimin kórsete alģanı ushın Qaraqalpaq mámleketlik universiteti rektorı tárepinen «Húrmet jarlıģı» hám fakultetimiz dekanı hám tyutorları tárepinen ádebiy kitaplar, ózi menen birge oqıp atırģan gruppalas dosları tárepinen sawģalar tapsırıldı.

Dawletbayģa aldaģı oqıwlarında hám dóretiwshiliginde tabıslar tileymiz.

Biologiya fakulteti tyutorı D.Pirnazarova

Ushırasıwdan kórinisler

 

Biologiya fakulteti tyutorı D.Pirnazarova

Пайдалы дереклер