Kórkem-óner fakultetinde jaslar orkestri koncerti bolıp ótti

Búgin 26-mart kúni Universitetimiz kórkem-óner fakulteti saz atqarwshılıģı qánigeligi student- jaslarınan quralģan jaslar orkestriniń koncert baģdarlaması bolıp ótti. Bul koncert kórkem-óner fakulteti assistent oqıtıwshıları M.Zuxurov hám N.Asqarov tárepinen shólkemlestirildi. Koncert basında Universitetimizde orkestrdiń payda bolıwı tuwralı maģluwmat berildi. Universitetizmizde orkestr 2019-jılı Kórkem-óner fakulteti Kórkem-óner kafedrasında saz atqarıwshılıǵı qánigeligi student jasları menen birgelikte shólkemlestirilgen. Házir oģan M.Zuxurov basshılıq etip kelmekte. Orkestr atqarıwında hárqıylı muzıkalar yaģnıy, ózbek hám qaraqalpaq xalıq namaları hám jáhán klassik shıģarmaları atqarıladı. 

Kórkem-óner fakulteti Jaslar menen islesiw boyınsha dekan orınbasarı I. Djumaniyazov shıģıp sóylep, koncertke qatnasqan student- jaslarģa óz minnetdarshılıģın bildirip, studentlerden dúzilgen jaslar orkestriniń iskerligin ele de jetilistiriw, keleshekte universitet kóleminde arnawlı koncertler shólkemlestiriw haqqıinda usınıs-pikirlerin bildirdi. Bunday ilajlardı ótkeriwden maqset áhmiyeti bes baslamaģa tiykarlanģan halda jaslardıń muzıka hám kórkem-ónerdiń basqa túrlerine qızıģıwshılıģın asırıw, óz qabiletin júzege shıǵarıwda kómegin tiygiziw bolıp esaplanadı.

Koncertti Kórkem-óner fakulteti oqıtıwshısı R.Orazalieva alıp bardı.

 

Saz atqarıwshılıģı qanigeligi 2-kurs studenti Niyazbaeva Aynura

Пайдалы дереклер