ЗАМАНАГӨЙ ОҚЫТЫЎ МЕТОДИКАЛАРЫ ҲАҚҚЫНДА СЕМИНАР БОЛЫП ӨТТИ

          Ҳәзирги жедел раўажланып атырған заманда ҳәр тәреплеме билимге ийе, жетик кадрларға болған талап күннен-күнге артып бармақта. Бундай кадрларды жетилистирип шығарыў ушын оқытыўдың заманагөй усылларын үйрениў ҳәм оны сабақ барысында пайдаланыў жақсы нәтийже беретуғынлығы алымлар тәрепинен тастыйықланған. Мине, усындай усыллар менен профессор-оқытыўшыларды, магистрантларды таныстырыў мақсетинде 6–апрель күни  Химия-технология факультетинде «Халық-аралық стандартлар тийкарында тәбийий пәнлерди оқытыўдың заманагөй усыллары» атамасында семинар шөлкемлестирилди.

          Семинарды факультет деканы Б.Нурымбетов кирис сөз бенен ашып берди ҳәм билимлендириў, ислеп шығарыў тараўларындағы жетик кадрлар таярлаў бағдарында қолға киргизилген жетискенликлер ҳәм алдағы режелери ҳаққында кең түрде мағлыўматлар берди. Семинарда Нөкис қаласындағы Президент мектеби химия пәни муғаллими Уллыбек Тлегенов қатнасып, Президент мектеби ҳаққында, ол жердеги жаратылған шараятлар, сабақ бериў усыллары ҳәм билим бериўде жаңа заманагөй методларды қолланыў бойынша мағлыўматлар берди. Семинар қатнасыўшылары өзлерин қызықтырған сораўларына тийисли жуўаплар алды.

 

 

 

Химия-технология факультети 2-курс студенти

Г.Чимбергенова

 

Пайдалы дереклер