Berdaq atındaǵı Qaraqalpaq mámleketlik universitetiniń, Matematika fakulteti, Ámeliy matematika hám informatika kafedrasınıń professor-oqıtıwshıları Shomanay rayonı XBBne qaraslı 18-19-22-sanlı ulıwma orta bilim beriw mektep oqıwshıları menen ushırasıw ótkerildi.
Mektep pitkeriwshileri ushın bilim hám kónlikpelerin rawajlandırıw maqsetinde master klasslar ótkerilip, professor-oqıtıwshıları tárepinen Qaraqalpaq mámleketlik universitetinde student-jaslarǵa, bilim alıwǵa jaratılǵan imkaniyatların, shárt-shárayatlar hám mámleketimizde jaslarǵa jaratılıp atırılǵan keń imkaniyatlar haqqında aytıp ótti.
Ushırasıw dawamında mektep oqıwshılarına tuwrı kásip tańlaw haqqında seminar hám 11-klass oqıwshıları arasında kishi olimpiyada shólkemlestirilip, jaqsı nátijelerge erisken oqıwshılar xoshametlendi. Sonday-aq, QMU ámeliy matematika qánigeligi 4-kurs studenti Berdaq atındagı mámleketlik stependiyantı Sohiba Rajabboyeva mektep oqıwshılarına universitette student-jaslar ushın jaratılǵan imkaniyatları haqqında oqıwshılarǵa maǵlıwmatlar berip, óz tájiriybeleri menen bólisti. Ushırasıw oqıwshılarda úlken tásir qaldırıp, oqıwshılar ózlerin qızıqtırǵan sorawlarına juwaplar aldı.
Ámeliy matematika hám informatika
Kafedrası assistenti
K.Jalelov