Jizzax wálayatında ótkerilgen “Jańa Ózbekstan ilim qarılǵashları” birinshi Respublikalıq kórik tańlawı hám studentler arasında ilimiy-ámeliy konferenciya bolıp ótti. Bul tańlawda Berdaq atındaǵı Qaraqalpaq mámleketlik universitetiniń Qurılıs fakulteti studentleri hám magistrantları qatnastı. Jizzax politexnika institutında ótkerilgen tańlawda, qurılıs tarawı boyınsha 9 joqarı oqıw ornınan jámi 140 tan aslam qatnasıwshılardıń ilimiy miynetleri hám joybarları arasınan 7 nominaciya boyınsha eń jaqsıları tańlap alındı.

Tańlaw juwmaǵında Qaraqalpaq mámleketlik universiteti qurılıs fakulteti Qurılıs materialları (Qospa bilimlendiriw MGSU) magistrantı Bekbergen Xojabergenov “Mineral hám ximiyalıq qosımshalardan paydalanıp tayarlanǵan jańa áwlad betonları, qurılıs materialları hám konstruktsiyaları” nominaciyası boyınsha orınlanǵan ilimiy joybarı menen sıylı 2-orındı alǵan bolsa, Baxtiyar Turǵanbaev «Qurılıs materialları hám konstruktsiyaların jaratıw, islep shıǵarıw, konstruktsiyalaw hám texnologiyası» boyınsha orınlanǵan «Eń jaqsı magistrlik dissertaciyası» nominaciyası boyınsha 3-orındı, al Qurılıs fakulteti «Qurılıs materialları» bakalavr baǵdarı student Ramazan Darmiyanov “Qurılıs imaratlarında Eń jaqsı konstruktsiyalıq qollanbalar joybarı hám texnologiyaları nominaсiyası boyınsha sıylı 3-orındı iyelep, Ózbekstan Respublikası Joqarı hám orta arnawlı bilimlendiriw ministriniń diplom hám qımbat bahalı sawǵaları menen sıylıqlandı.

Magistrantlar hám studentlerdiń ilimiy basshıları «Imaratlar hám soorujenieler qurılısı» kafedrası docentı t.i.f.d. A.Purxanatdinov hám úlken oqıtıwshı U.Mamutovlar tayarladı. 

J.Ashirbekov Qurılıs fakulteti tyutorı: