Berdaq atındaǵı Qaraqalpaq mámleketlik universiteti Shet tilleri fakulteti Awdarma teoriyası hám ámeliyatı kafedrası oqıtıwshıları Qaraózek rayonı XBBne qaraslı 25-26-27-sanlı ulıwma orta bilim beriw mekteplerinde, oqıtıwshılardıń pedagogikalıq sheberligin arttırıw hám mektep pitkeriwshilerin shet tillerine baǵdarlaw maqsetinde, Cambridge tájiriybesi tiykarında mektep oqıtıwshıları hám oqıwshı jasları menen ushırasıw ótkerildi.
Ushırasıwdı ótkeriwden maqset Ózbekstan Respublikası Prezidenti Sh.Mirziyoyevtiń basshılıǵında “Mámleketimizde tálim-tárbiya sistemasın hám ilim-pán tarawı sapasın jetilistiriw máseleleri”ne baǵıshlap ótkerilgen videoselektor májilisi hám Ózbekstan Respublikası Ministrler Kabinetiniń 2020-jılı 20-noyabr kúngi “Ulıwma orta bilim beriw mekteplerinde bilim sapasın jaqsılaw, oqıtıwshılardıń kásiplik sheberligin arttırıw hám metodikalıq qollap-quwatlaw ushın biriktirilgen joqarı oqıw orınları haqqında”ǵı 07/1-2472-sanlı qararında kórsetilgen wazıypalardıń orınlanıwın támiyinlew maqsetinde Qaraqalpaq mámleketlik universiteti Shet tilleri fakultetiniń Awdarma teoriyası hám ámeliyatı kafedrası asistent oqıtıwshıları Qaraózek rayonında boldı. Ushırasıwǵa Shet tilleri fakulteti oqıtıwshıları Maryam Bayrieva, Awdarma teoriyası hám ámeliyatı kafedrası oqıtıwshısı stajyor Gúlzar Tajenova, oqıtıwshı stajyor Manzura Aytbaeva barıp oqıtıwshılar hám pitkeriwshi jaslarǵa mámleketimizde jańalanıwlar, jaslarǵa jaratılǵan imkaniyatlar haqqında aytıp berdi. Sonday-aq mektep oqıwshılarına “Innovative methods of teaching English”, “Life events” hám inglis tili oqıtıwshılarına “Key principles in the Cambridge English teaching” temasında túsinikler berip, taza metodlar járdeminde master klass ótkerildi.
Ushrasıw dawamında mektep oqıtıwshıları menen bir qatarda jaslardıń til úyreniwge bolǵan qızıǵıwshılǵın qollap-quwatlaw maqsetinde inglis tiliniń áhmiyeti haqqında túsinik berip, keleshekte inglis tili pán tarawına qızıǵıwshı oqıwshılardı soraw-juwap arqalı belgilep aldı hám olarǵa aldaǵı waqıtları metodikalıq járdem beretuǵınlıǵın atap ótti.
Awdarma teoriyası hám ámeliyatı kafedrası oqıtıwshıları :
Tajenova Gulzar
Bayrieva Maryam
Aytbaeva Manzura
