Búgin Berdaq atındaǵı Qaraqalpaq mámleketlik universitetinde Universitet Keńesi májilisi bolıp ótti. Onda eń dáslep, universitetimizdiń rektorı A.Reymov sózge shıǵıp, búgingi kúnde óz teńleslerine órnek bolıp, Respublikalıq hám birneshe xalıqaralıq tańlawlardıń jeńimpazların, sonıń mene bir qatarda, óziniń kóp jıl dawamında ustazlıq etken miynetleri ushın bir topar professor-oqıtıwshılar hám xızmetkerlerdi «Qaraqalpaqstan Respublikası Xalıq bilimlendiriwi aǵlası» kókirek nıshanın alǵanı menen universitetimiz jámááti atınan qızǵın qutlıqlap, aldaǵı oqıwlarında hám jumıslarında tabıslar tiledi.
Bunnan soń, Qaraqalpaq mámleketlik universitetinde sıylıqlanǵan pidayı insanlarǵa universitet rektorı A,Reymov tárepinen Qaraqalpaqstan Respublikası Ministrler Keńesiniń húrmet jarlıqları, sonday-aq, «Qaraqalpaqstan Respublikası Xalıq bilimlendiriwi aǵlası» kókirek nıshanları hám estelik sawǵaları saltanatlı túrde tapsırıldı.
Sıylıqlanǵanlar dizimi:
Abdikamalov Baxtiyar Abdirazakovich QMU Fizika kafedrası professorı
Hakimniyazov Jolmurza Xojabekovich QMU Arxeologiya kafedrası baslıǵı
Tursınmuratov Madreyim «QMU Xabarshısı» jurnalı juwaplı redaktorı
Eshimbetova Gulzada Davletovna QMU Inglis til bilimi kafedrası úlken oqıtıwshısı
Paxratdinov Quralbay Ataubaevich QMU Qaraqalpaq til bilimi kafedrası docenti
Seytnazarov Sulayman Qutlımuratovich QMU Ulıwma biologiya hám fiziologiya kafedrası docenti
Seytnazarov Kurbanbay Reymbaevich QMU Jınayıy huqıqıy hám puqaralıq huqıqıy pánler kafedrası docenti
Tańirbergenov Bazarbay QMU Organikalıq hám organikalıq emes ximiya kafedrası docenti
Xodjaeva Gulya Ashirbaevna QMU Ekonomikalıq hám sociallıq geografiya kafedrası baslıǵı
Belsendi studentler:
Ózbek filologiyası 1-kurs studenti Gapparova Gulyor Uluǵbekovna “Jańa Ózbekstandı ózimiz, óz qollarımız benen quramız!” respublika esseler tańlawınıda 1-orındı qolǵa kiritti.
«Jaslıq báhári» jas opera atqarıwshıları tańlawınıń respublika basqıshında Kórkem óner fakulteti “Vokal atqarıwshılıǵı” tálim baǵdarı 3-kurs studenti Sarsenov Shermuxan Maxsetullaevich 3-orındı qolǵa kiritti.
«Jaslıq báhári» jas opera atqarıwshıları tańlawınıń respublika basqıshında Kórkem óner fakulteti “Vokal atqarıwshılıǵı” tálim baǵdarı 3-kurs studenti Qalbaev Azimbay Adilbaevich 3-orındı qolǵa kiritti.
Qaraqalpaqstan Respublikasında mayıplıǵı bolǵan jaslar arasında ótkerilgen “5 baslama háreketi: Nókis – 2022” forumı sheńberinde ótkerilgen “Jeńil atletika” sport jarısında Biologiya fakultetiniń 2-kurs studenti Iskenderov Karimbay Sabırbaevich 1-orındı qolǵa kiritti.
Bozataw rayonında ótkerilgen BOZATAW FEST «Jaslar hawazı» tańlawınıń respublika basqıshında Baqsıshılıq jónelisi boyınsha Kórkem óner fakulteti “Vokal atqarıwshılıǵı” tálim baǵdarı 2-kurs studenti Óteshova Gulayım Begim qızı 1-orındı qolǵa kiritti
“Ilxam” sıylıǵı respublika tańlawında Qaraqalpaq ádebiyatı qánigeliginiń tayanısh doktorantı Ayımbetova Zamira Maqsetbay qızı 3-orındı qolǵa kiritti.
QMU baspasóz xızmeti.
