Búgin Berdaq atındaǵı Qaraqalpaq mámleketlik universitetinde Xoja Axmet Yassawiy atındaǵı Xalıqaralıq qazaq-túrіk universitetі professorı Bayram Bulent universitetimizde miymanda boldı. Dáslep miymandı Qaraqalpaq mámleketlik universitetiniń Ilimiy isler hám innovaciyalar boyınsha prorektorı Izimbet Turdımambetov kútip alıp, miymandı universitetimizge kelgeni menen qutlıqlap, Qaraqalpaq mámleketlik universiteti haqqında tolıq maǵlıwmatlar berip ótti. Bunnan soń, miymanımız Bayram Bulent óz sózinde universitetimizge kelgeninen quwanıshlı ekenin hám tálim sistemasında birge islesiwdi ele de rawajlandırıw, xalıq aralıq ilimiy baylanıslardı kúsheytiw haqqında aytıp ótti. Sonday-aq, aldaǵı waqıtları ilimiy-izertlewshiler, professor-oqıtıwshılar, student-jaslar hám magistrantlardıń qatnasıwında tájiriybe almasıwlar ótkeriliwi belgilenip alındı.

Sonıń menen bir qatarda Berdaq atındaǵı Qaraqalpaq mámleketlik universiteti hám Xoja Axmet Yassawiy atındaǵı Xalıqaralıq qazaq-túrіk universitetі arasında xalıq aralıq birge islesiw boyınsha shártnamaǵa qol qoyıstı.