QMUniń professorı G.Utemuratova Qazaqstan milliy agrar ilim izertlew universitetinde shólkemlestirilgen seminarda onlayın lekciya oqıdı

Usı jıldıń 6-19-iyun kúnleri Qazaqstan milliy agrar ilim izertlew universiteti «Agrobiznesti basqarıw hám shólkemlestiriw» kafedrası tárepinen «Jasıl ekonomika»nı rawajlandırıw atamasında Jasıl ekonomika jazǵı mektebinde seminar bolıp ótti. Seminarda Qaraqalpaqstan Respublikasınan Berdaq atındaǵı Qaraqalpaq mámleketlik universiteti professorı Gulnaraxan Utemuratova «Jasıl ekonomika»nı rawajlandırıwda mámleketlik jeke sherikshilikti rawajlandırıwda Ózbekstan Respublikasınıń ámelge asırıp atırǵan reformaları temasında onlayın lekciya oqıdı.

Qazaqstan milliy agrar ilim izertlew universitetinde hár jılı Xalıqara jazǵı mektepti ótkeriw dástúrge aylanǵan, onda studentler jazǵı bilim hám ilimiy izertlew jumısları menen tájiriybe almasıwı múmkin, bul mektep tiykarınan oflayn rejimde ótkeriledi.

Ótken eki jıl dawamında Koronavirus pandemiyası sebepli onlayn ótkeriwge májbúr boldı. Mekteptiń maqset hám wazıypası insannıń ekonomika hám qorshaǵan ortalıqqa bolǵan múnásibetin túsindiriw. Jasıl ekonomikanıń maqseti qorshaǵan ortalıqtı jaqsılaw hám tábiyǵıy resurslar jetispewshiliginiń aldın alıw menen birge, adamlardıń párawan turmısın jaqsılawǵa qaratılǵan.

Mektepte «Jasıl ekonomika»nı rawajlandırıw boyınsha bayanatlar,  sheberlik saatları, kárxanalarda jergilikli hám sırt el alımları qatnasıwında sabaqlar,  sáwbetler ótkerildi. Seminardı ótkeriwden maqset dúnyada, sonday-aq, Qazaqstanda «Jasıl ekonomikanı»nı rawajlandırıw mashqalaların úyreniw hám olardı sheshiw jolların tabıw bolıp esaplanadı. «Jasıl ekonomika jazǵı mekteb»ine 60 student dizimnen ótken bolıp, solardan 20 student oflayn rejimde, 40 student onlayn rejimde oqıydı.

Пайдалы дереклер