«KORRUPCIYAǴA BIZ BIRGELIKTE GÚRESEMIZ»   

Házirgi kúnde baslı mashqalarınıń birine aynalıp atırǵan korrupciya illetiniń aldın alıw hám oǵan qarsı gúresiw boyınsha ushırasıw keshesi bolıp ótti. Ushırasıwdı ximiya-texnologiya fakulteti dekanı B.Nurımbetov ashıp berdi hám ushırasıwdıń maqseti haqqında tanıstırp ótti. Bunnan soń rektor másláhátshisi T.Aytmuratov shıǵıp sóylep, biz rawajlanıp atırǵan jańa mámleketimizdiń keleshegin, jańalanıwlar menen gúllendiriwimiz kerek, onı hár qıylı kesent beriwshi islerden awlaq etiwimiz kerek, atap aytqanda korrupciyaǵa tikkeley bárshemiz birgelikte gúresiwimiz kerek ekenligin atap ótti. Bunnan soń korrupciyaǵa qarsı gúresiw Kompleans qadaǵalaw bólimi baslıģı K.Uteniyazov shıǵıp sóylep, házirgi waqıtta korrupciyanıń aldın alıw boyınsha alıp barılıp atırılǵan is-ilájlar, jańadan endirilgen qararlardıń orınlanıp atırılǵanlıǵın, korrupciya halatı júz bergende olardın arnawlı bántler menen jazalanıwı haqqında, jánede korrupciya halatınıń tálim sistemasında ushırap atırǵanı ashınarlı jaǵday ekenin aytıp ótti. Ushırasıwda ximiya-texnologiya fakulteti proffesor oqıtıwshıları, tyutorları qatnastı. Ushırasıw juwmaǵında bul korrupciya degen jaman illetke bárshemiz teńdey birgelikte gúrseiwimiz kerek ekenligi bunda pedagok jámáátiniń ornı ayrıqsha ekeni aytıldı hám proffesor oqıtıwshılar óz pikir hám usınısların bildirdi.

 

Nilufar Kuzdibaeva

Ximiya-texnologiya fakulteti jetekshisi

 

Пайдалы дереклер