MUZEY XÍZMETKERLERININ ILIMIY ÁMELIY ÁNJUMANǴA QATNASÍWÍ

     Usı jıldıń 22-25-iyun kúnleri Ferǵana wálayatı, Ferǵana mámleketlik universiteti quramındaǵı Repressiya qurbanların eslew mámleketlik muzeyinde ótkerilgen «Jańa Ózbekstanda repressiya dáwiriniń úyreniliwi hám sheyitler esteligin máńgilestiriw: jetiskenlikler, mashqalalar atamasındaǵı respublikalıq ilimiy ámeliy ánjuman»ǵa Qaraqalpaq mámleketlik universiteti quramındaǵı Repressiya qurbanların eslew muzeyi direktorı A.Qudiyarov «Qaraqalpaq Mámleketlik universiteti quramındaǵı Repressiya qurbanların eslew muzeyin rawajlandırıw”, t.i.d. A.Djumashev «1933-jıllardaǵı Qaraqalpaqstan tariyxındaǵı siyasiy krizis», muzey direktorı A.Qudiyarov muzey ilimiy xızmetkeri A.Alimbetov «Seyfulǵabit Majidov dáslepki qaraqalpaq álipbesi avtorı» atamasındaǵı dokladları menen qatnasıp qayttı.

      Ánjuman barısında muzey direktorı A.Qudiyarov Ferǵana mámlektlik universiteti muzeyine hám universitettiń málemleme resurs orayına qaraqalpaq tilinde shıqqan kitap hám jurnallardı sawǵa etti. Bunnan soń, Ózbekstan Respublikası wálayatları, Qaraqalpaqstan Respublikası hám Tashkent qalasındaǵı repressiya qurbanların eslew mámleketlik muzeyleri direktorları keńesi májlisi ótkerilip, bunda repressiya qurbanları boyınsha tayarlanıp atırǵan estelik kitabı, muzey eksponatların hújjetlestiriw boyınsha bahalı kórsetpeler berildi, ánjumannıń ekinshi kúni Ferǵana mámleketlik universiteti quramındaǵı Repressiya qurbanların eslew mámleketlik muzeyi eksponatları menen tanıstı, Ferǵana wálayatındaǵı tariyxıy orınlarǵa, wálayattaǵı belgili ónermentshilik orınlarına sayaxatlar shólkemlestirildi.

Ferǵana wálayatı, Ferǵana mámleketlik universiteti quramındaǵı Repressiya qurbanların eslew mámleketlik muzeyinde ótkerilgen respublikalıq ilimiy ámeliy ánjumanǵa qatnasıwǵa úlken járdem kórsetip qollap quwatlaǵanı ushın universitet rektoratına úlken minnetdarshılıq bildiremiz.

 

Amina Mambetkarimova,

muzey xızmetkeri.

Пайдалы дереклер