Joqarı hám orta arnawlı bilimlendiriw ministri jańa oqıw jılına tayarlıq processi menen tanısıw maqsetinde QMUne keldi | | Karakalpak state university

Joqarı hám orta arnawlı bilimlendiriw ministri jańa oqıw jılına tayarlıq processi menen tanısıw maqsetinde QMUne keldi

Búgin Ózbekstan Respublikası Joqarı hám orta arnawlı bilimlendiriw ministri Abduqodir Toshqulov 2022/2023 oqıw jılı aldınan studentlerge jaratılǵan imkaniyatlar hám qolaylıqlar menen tanısıw maqsetinde Berdaq atındaǵı Qaraqalpaq mámleketlik universitetine keldi. Dáslep universitet rektorı A.Reymov Joqarı hám orta arnawlı bilimlendiriw ministrine jańa 500 orınǵa mólsherlengen studentler turar úyiniń maketi hám ol jerde studentler ushın jaratılǵan qolaylıqlar menen tanıstırıp ótti.

Bunnan soń Qaraqalpaqstan Respublikasındaǵı barlıq JOOları basshıları qatnasıwında májilis bolıp ótti. Májiliste jańa oqıw jılın joqarı dárejede baslaw, oqıw processin durıs shólkemlestiriw, ásirese tyutorlardın juwapkershiligin elde asırıw boyınsha bir qatar tapsırmalar berildi. Sonday-aq, universitettiń studentler turar úyin kózden keshirip, ol jerde studentler ushın jaratılǵan shárt-shárayatlar menen tanıstı.

QMU Baspasóz xızmeti

Пайдалы дереклер