2022-jıldıń 1-oktyabr kúni «Xalıq-aralıq quslardı gúzgi baqlaw kúni» múnásibeti menen Berdaq atındaǵı Qaraqalpaq mámleketlik universiteti Biologiya fakulteti oqıtıwshıları, tayanısh doktorantları, studentler hám Otus-studentler ornitologiyalıq klubı aǵzaları tárepinen Nókis qalası átirapında jaylasqan «Ashshıkól» kóline ekspediciya shólkemlestirildi. Baqlawǵa sonday aq Ózbekstan qusların qorǵaw jámiyetiniń Qaraqalpaqstan filialı baslıǵı, Qaraqalpaq mámleketlik universiteti Biologiya fakulteti dekanı, biologiya ilimleri doktorı, professor Yakub Ametov, Ózbekstan Ilimler Akademiyası Qaraqalpaqstan bólimi baslıǵı, biologiya ilimleri doktorı, professor Muratbay Jumanov qatnastı.
Baqlaw dawamında «Ashshıkól» kólinde 24 túrge tiyisli 524 dana qus dizimge alındı. Sonı ayrıqsha atap ótiw kerek kólde 32 dana siyrek hám joq bolıp baratırǵan, Ózbekstan Respublikası Qızıl kitabına hám XTQA Qızıl dizimine kiritilgen balıqshı úyrek Oxyura leucocephala dizimge alındı. «Ashshıkól» kólinde bunnan basqa kóp sanda jasılbas úyrek Anas platyrhynchos (200), qasqaldaq Fulica atra (79) hám basqa suwda júziwshi quslar ushırastı.

Islambek Arepbaev
Qaraqalpaq mámleketlik universiteti 1-basqısh tayanısh doktorantı,

Otus-studentler ornitologiyalıq klubı baslıǵı, Biologiya ilimleri boyınsha filosofiya doktorı