ÓZBEKSTAN RESPUBLIKASÍ JOQARÍ HÁM ORTA ARNAWLÍ BILIMLENDIRIW MINISTRLIGI BERDAQ ATÍNDAǴÍ QARAQALPAQ MÁMLEKETLIK UNIVERSITETI XABARLANDÍRÍW XATÍ
Ózbekstan Respublikası Ministrler Kabinetiniń «2022-jıl 7-marttaǵı 2022-jılǵa mólsherlengen joqarı bilimlendiriw hám ilimiy-izertlew mákemeleri tarawındaǵı ilimiy-texnikalıq konferenciyalar jobasın tastıyıqlaw haqqında»ǵı №101-F-sanlı biyligine muwapıq, 2022-jıl 24-noyabr kúni Qaraqalpaq mámleketlik universiteti Ózbek filologiyası fakultetinde «TÚRKIY TILLERDIŃ RAWAJLANÍWÍ HÁM IZERTLENIWINIŃ ÁHMIYETLI MÁSELELERI» temasında xalıqaralıq ilimiy-ámeliy konfrenciya ótkeriledi.
Ilimiy-ámeliy konferenciya baǵdarları:
Zamanagóy tyurkologiya izertlewler orayında.
Túrkiy tiller izertleniwiniń teoriyalıq hám ámeliy tiykarları.
Zamanagóy til biliminde til hám mádeniyat bir pútinligi.
Túrkiy tilleraralıq awdarma mashqalaları.
Til oqıtıwdıń ulıwma metodologiyalıq principleri.
Konfrenciyanıń isshi tilleri: barlıq túrkiy tiller, rus hám inglis.
Maqalalardı rásmiylestiriwge qoyılatuǵın talaplar:
– maqala teksti redaktorlanǵan hám tiyisli sekciyanıń atı kórsetilgen halda A4 formattaǵı qaǵazda, qatarlar arası 1,5 intervalda, joqarıdan hám tómennen 2,5 sm, shep tárepten 3 sm, oń tárepten 1,5 sm orın qaldırılıp rásmiylestiriledi, maqalalar qaǵazda hám elektron variantta qabıl etiledi;
– maqala teksti betlenbegen bolıp, onıń elektron formatı Microsoft Word redaktorlıǵında, Times New Roman shriftinde, 14 kegl bolıwı kerek;
– maqalanıń atı bas háripler menen jazıladı, bir qatar qaldırılıp, keyingi qatardan avtordıń atı, familiyası, shólkem atı kórsetiledi, tekst aqırında paydanılǵan ádebiyatlar dizimi keltiriledi;
– maqaladaǵı keltirilgen faktlardıń tuwrılıǵına hám isenimliligine tikkeley avtorlar juwapker. Ilimiy konferenciya redkollegiyası maqala hám tezislerdi redaktorlaw huqıqına iye.;
– fayl atı shólkem atı hám avtor familiyası menen (mısalı, avtor Qaraqalpaq mámleket universitetinen bolsa «QMU, N.Qilichov» formasında) jazılıwı kerek;
– annotaciya hám tayanısh sózler ózbek, rus inglis tillerinde jazılıwı shárt.
Konfrenciya materialları ilimiy toplamı universitet elektron mánziline jaylastırıladı hám maqala avtorlarına jiberiledi.
Maqalalardı qabıllaw múddeti: 2022-jıl 5-noyabrge shekem.
Konfrenciyanı ótkeriw sánesi: 2022-jıl 24-noyabr.
Konfrenciyada tikkeley hám aralıqtan qatnasıw múmkin.
SHÓLKEMLESTIRIW KOMITETINIŃ MÁNZILI:
Nókis qalası, Ch.Abdirov kóshesi 1-jay. Qaraqalpaq mámleketlik universiteti, Ózbek filologiyası fakulteti.
Konfrenciyanı shólkemlestiriwshisi: Ózbek filologiyası fakulteti.
Maqalalardı tómendegi elektron mánzillerine jiberiw múmkin: nkilichovr@mail.ru, zamira7070@mail.ru.
Telefon nomerleri: +99897787-92-97 (telegram, N.Kilichov).
+99891393-31-40 (telegram, Z.Ibragimova).
Konfrenciya haqqındaǵı maǵlıwmatlar menen www.karsu.uz saytı arqalı tanısıwıńız múmkin.
