Student-jaslardıń qánigeligi boyınsha jetik kadrlar bolıp jetilsiwinde pedagogikalıq ámeliyattıń ornı júdá úlken bolıp esaplanadı. Bıyılǵı oqıw jılında Ximiya tálim baǵdarınıń 4-kursında 6 akademiyalıq topar bolıp, olar ózleriniń pedagogikalıq ámeliyatın ótiw ushın Nókis qalasında jaylasqan Qaraqalpaq mámleketlik universiteti Akademiyalıq liceyi hám Nókis qalalıq XBB qaraslı 17-22-23-sanlı ulıwma bilim beriw mekteplerine jiberildi. Ámeliyat ótkeriw ushın tiyisli kafedralardan tájiriybeli professor-oqıtıwshıları biriktirilgen. Ámeliyat barısı menen tanısıw maqsetinde fakultet dekanı B.Nurımbetov, universitettiń Organikalıq hám organikalıq emes ximiya kafedrası oqıtıwshıları menen birgelikte ámeliyat orınlarında boldı. Sabaq processine qatnasıp, studentlerdiń sabaq ótiw barısı, oqıwshı jaslar menen qalay islesiw kerek ekenligi, oqıtıwdıń interaktiv usıllarınan paydalanıw boyınsha keń túrde túsinik berildi.

 

Kuzdibaeva Nilufar

Ximiya-texnologiya fakulteti 4-kurs ximiya tálim baǵdarı studenti