Insan huqıqları tarawındaǵı Jáhán tálim dástúriniń tórtinshi basqıshı, BMShnıń Insan huqıqları salasında tálim hám tárbiya haqqındaǵı deklaraciyası sheńberinde hámde Ózbekstan Respublikası Konstituciyası qabıl etilgenliginiń 30 jıllıǵı múnásibeti menen Insan huqıqları boyınsha Ózbekstan Respublikası Milliy orayı tárepinen “Insan huqıqları salasındaǵı tálim hám izertlewler” temasında Respublika tańlawı ótkeriliwi rejelestirilmekte.
Tańlaw tómendegi nominaciyalar boyınsha ótkeriledi:
– Insan huqıqları boyınsha eń jaqsı oqıw kursı;
– Insan huqıqları hám erkinliklerine baǵıshlanǵan eń jaqsı súwret;
– Insan huqıqları hám erkinliklerine baǵıshlanǵan eń jaqsı videorolik;
– Insan huqıkları boyınsha eń jaqsı maqala, eń jaqsı ilimiy maqala hám eń jaqsı ǵalabalıq tiptegi maqala;
– Insan huqıqları hám erkinliklerine baǵıshlanǵan eń jaqsı oqıw ádebiyatları: baspa oqıw ádebiyatı hám elektron oqıw ádebiyatı.
Sol múnásibet penen, universitetimizde usı baǵdar boyınsha ilimiy izleniwler alıp barıp atırǵan professor-oqıtıwshılar hám studentler usı tańlawda qatnasıwı múmkin.
Tańlawǵa tiyisli hújjetler (tańlaw Tártibi, tańlaw arzası úlgisi) qosımsha etiledi.
