DÍQQAT, TAŃLAW!

1-dekabr – Qaraqalpaq tiline mámleketlik til biyligi berilgenine 33 jıl tolıw múnásibeti menen Berdaq atındaǵı Qaraqalpaq mámleketlik universiteti student-jasları arasında «Sahra búlbilleri» atamasında qaraqalpaq tiliniń ullıǵın táriyiplewge arnalǵan jas shayırlar tańlawı ótkeriledi.

Tańlaw shártleri hám qoyılatuǵın talaplar:

1. Hárbir qatnasıwshı óz dóretpesin 2022-jıl 19-noyabr kúni saat 23:59 ǵa shekem t.me/qmu_shayirlar_tanlawı telegramm mánziline jiberiwi kerek.

2. Qosıqtıń teksti qaraqalpaq tilinde latın álipbesinde bolıwı kerek. Tańlawdıń kriteriyaları:
Tóreshiler quramı tárepinen harbir qatnasıwshınıń dóretiwshilik jumısı tómendegi kriteriyalar boyınsha 100 ballıq sistemada bahalanadı:
– qosıqtıń kórkemlik dárejesine – 40 ball;
– qosıqtıń orfografiyasına – 30 ball;
– temanıń ashıp beriliw dárejesine – 30 ball.
Tańlaw jeńimpazların sıylıqlaw
Tańlaw jeńimpazları 2022-jılı 30-noyabr kúni Qaraqalpaq mámleketlik universitetiniń Mádeniyat sarayında bolıp ótetuǵın Qaraqalpaq tiline mámleketlik til biyligi berilgenine 33 jıl tolıw múnásibeti menen ótkeriletuǵın bayram keshesinde sıylıqlanadı.
Shólkemlestiriw komitetiniń mánzili: Qaraqalpaqstan, Nókis qalası, CH.Abdirov kóshesi 1-jay. Qaraqalpaq filologiyası hám jurnalistika fakulteti.