Britaniya Keńesiniń Ózbekstandaǵı wákilxanası “Women in STEM” stipendiya baǵdarlamasına 2023-jıl ushın hújjetler qabıl etiw baslanǵanlıǵın málim etedi.

Bul stipendiya baǵdarlaması Ullıbritaniya joqarı oqıw orınlarında hayallardı “STEM” (ilim, texnologiya, injenerlik, matematika) pánlerine oqıtıw imlaniyatların arttırıwǵa qaratılǵan.

Usı stipendiya baǵdarlamasına talabanlar Britaniya Keńesi tárepinen tuwrıdan-tuwrı ashıq tańlaw tiykarında tańlap alınadı.

Bıyılǵı jıl ushın Ózbekstanǵa úsh grant ornı ajıratılǵan bolıp, tálim úsh Ullıbritaniya joqarı oqıw orınlarında (University of Portsmouth, University of Cranfield, University of Saint Andrews) usı jıldıń oktyabr ayınan baslanıwı belgilengen.

Baǵdarlamaǵa hújjetler 2023-jıldıń 30-mart sánesine shekem qabıl etiledi.

Universitette tálim alıp atırǵan student qızlar usı stipendiya baǵdarlamasında qatnasıwları múmkin.

Usı stipendiya baǵdarlaması hám oǵan hújjet tapsırıw haqqında talaban qızlar https://www.britishcouncil.uz/en/study-uk/scholarship-women-stem vеb-saytınan tolıq maǵlıwmat alıw múmkin.