https://uni.sesc.com.br/rajaslot303/https://arsip.umsu.ac.id/js/thailand/https://sirapat.belitung.go.id/vendor/maxwin/https://bb-funrun.pekanbaru.go.id/storage/product/https://helo.bni-life.co.id/slot777/
Qaraqalpaq mámleketlik universiteti ilimpazları "Báhárgi kommerciyalastırıw forumı"nda qatnaspaqta | | Karakalpak state university

Qaraqalpaq mámleketlik universiteti ilimpazları “Báhárgi kommerciyalastırıw forumı”nda qatnaspaqta

2023-jıldıń 16-mart kúninen baslap Tashkent qalasında Innovaciyalıq rawajlanıw agentliginde «Báhárgi kommerciyalastırıw forumı» ótkerilmekte. Forumda  respublikadaǵı barlıq joqarı oqıw orınları hám ilim-izertlew institutlarınıń ilimpazları, jergilikli isbilermenler hámde student jaslar ózleriniń innovaciyalıq islenbeleri menen qatnaspaqta.

«Báhárgi kommerciyalastırıw forumı»na Qaraqalpaq mámleketlik universiteti Ilimiy isler hám innovaciyalar boyınsha prorektorı I.Turdimambetov basshılıǵındaǵı professor-oqıtıwshılar: “Arxitektura” kafedrası úlken oqıtıwshısı N.Kaliev,  “Dárilik ósimlikler agroekologiyası hám introdukciyası” kafedrası docenti A.Saytova, “Qaraqalpaq ádebiyatı” kafedrası assistenti A.Jarımbetov, “Qurılıs” fakulteti tyutorı B.Ubaydullaev, “Ximiya-texnologiya” fakulteti 2-basqısh magistrantı T.Ospanov hámde “Arxitektura” fakulteti 3-basqısh studenti Q.Piyshenbaevlar tómendegi innovaciyalıq islenbeleri menen belsendi qatnaspaqta:

1.“IJDAN” ısıtıw úskenesi;

  1. “Islep shıǵarıw kárxanalarında gaz sarıplanıwın ekonomlawshı tejemli úskene (Gorelka)”;
  2. “Innovaciyalıq lego gerbish”;
  3. “Exclusive” innovaciyalıq elektr ayaq kiyim;
  4. “Omırtqa kesellikleriniń kóbeyip ketiwiniń aldın alıwshı medicinalıq matras”;
  5. “Innovaciyalıq keramikalıq gerbish”;
  6. “Dástúriy emes sút ónimlerin islep shıǵarıwdı shólkemlestiriw – Qurǵatılǵan shubat”;
  7. “Topinambur” dárilik ónimi.

 

Forum sheńberinde Qaraqalpaq mámleketlik universiteti “ALIS” JShJ, OOO “IJDAN UNIVERSAL INNOVATION PRODUCTION” JShJ, “Nukus Bexruz Qurilish” JShJ menen jámi 1 mlrd 303 mln swm muǵdarında kommerciyalastırıw shártnamaların hám “Devorbop materiallar” JShJ menen birge islesiw memorandumın dúzdi hámde keleshekte birge islesiw boyınsha óz-ara kelisip alındı.

          «Báhárgi kommerciyalastırıw forumı» kóterińki ruwxta dawam etpekte.

Пайдалы дереклер