https://uni.sesc.com.br/rajaslot303/https://arsip.umsu.ac.id/js/thailand/https://sirapat.belitung.go.id/vendor/maxwin/https://bb-funrun.pekanbaru.go.id/storage/product/https://helo.bni-life.co.id/slot777/
QARAQALPAQ MÁMLEKETLIK UNIVERSITETINDE INTELLEKTUAL MÚLK ORAYINIŃ SEMINAR MÁJILISI BOLIP ÓTTI | | Karakalpak state university

QARAQALPAQ MÁMLEKETLIK UNIVERSITETINDE INTELLEKTUAL MÚLK ORAYINIŃ SEMINAR MÁJILISI BOLIP ÓTTI

Berdaq atındaǵı Qaraqalpaq mámleketlik universitetinde 2023-jıl 28-mart kúni Ózbekstan Respublikası Ádillik ministrligi janındaǵı “Intellektual múlk orayı” mámleketlik mekemesi tárepinen “Oylap tabıw hám paydalı modelge talapnama tayarlaw, is júrgiziw hám ekspertiza processi. Shet elde patentlew ámeliyatı. Jergilikli brendlerdi rawajlandırıw, joqarı bilimlendiriw, ilimiy izertlew hám basqa shólkemlerde jaratılǵan intellektual múlk ob’ektleriniń huqıqıy qorǵalıwı” atamasında seminar májilisi ótkerildi.

          Seminar májilisinde Ózbekstan Respublikası Ádillik ministrligi janındaǵı Intellektual múlk Orayı direktorı B.Sagdullaev, Oraydıń Oylap tabıw hám paydalı modeller bólimi baslıǵı I.Abdukadirov, Tovar belgileri hám xızmet kórsetiw belgileri bólimi baslıǵı S.Abdullaev, Málimleme resurs hám texnologiya hám innovaciyalardı qollap-quwatlaw orayları menen islesiw bólimi baslıǵı S.Raxmonov, Qaraqalpaqstan Respublikası Ádillik ministriniń birinshi orınbasarı E.Tursunov, Ózbekstan Respublikası Ádillik ministrligi janındaǵı Intellektual múlk Orayınıń Qaraqalpaqstan Respublikası Intellektual múlk qorǵawı orayı baslıǵı N.Esnazarov, Qaraqalpaq mámleketlik universiteti, Nókis mámleketlik pedagogika institutı, Qaraqalpaqstan awıl xojalıǵı hám agrotexnologiyalar institutında ilimiy hám innovaciyalıq iskerlik penen shuǵıllanıp atırǵan professor-oqıtıwshılar, jas alımlar, tayanısh doktorantlar, doktorantlar, studentler hám magistrler, rayon (qala) ádillik bólimleri baslıqları, mámleketlik xızmetler kórsetiw oraylarınıń juwaplı xızmetkerleri qatnastı.

          Seminar májilisin universitettiń Ilimiy izertlewler, innovaciyalar hám ilimiy-pedagog kadrlar tayarlaw bólimi baslıǵı K.Nizamatdinov ashtı hám basqarıp ardı.

          Májiliste tovar belgisi hám xızmet kórsetiw belgisin dizimnen ótkeriw ushın talapnama dúziw, tapsırıw hám kórip shıǵıw tártibi hám qaǵıydaları, jergilikli brendlerdi rawajlandırıw, joqarı bilimlendiriw, ilimiy izertlew mekemeleri hám basqa shólkemlerde intellektual múlk ob’ektlerin mámleket tárepinen huqıqıy jaqtan qorǵaw máseleleri boyınsha Oray kánigeleri tárepinen bir qatar bayanatlar (prezentaciya) tıńlandı.

          Bunnan soń seminar májilisi qatnasıwshıları tárepinen ózlerin qızıqtırǵan sorawlar berilip, bul soraylarǵa qánigeler tárepinen tiyisli juwaplar alındı.

          Seminar májilisiniń ekinshi bóliminde Oraydıń basshı hám juwaplı xızmetkerleri qatnasıwında kóshpeli qabıllaw ótkerilip, onda joqarıda atap ótilgen joqarı oqıw orınları, ádillik bólimi xızmetleri tárepinen intellektual múlk ob’ektleriniń huqıqıy qorǵalıwı menen baylanıslı múrájaat sorawları berilip, olarǵa taraw kánigeleri tárepinen ornında túsindirmeler berildi.

Пайдалы дереклер