Xodjaeva Gulya Ashırbaevna, geografiya ilimleriniń kandidatı, dotsent.

1968-jılı 8-martta Taqıyatas qalasında tuwılǵan. 1990-jılı Nókis mámleketlik universitetin tamamlaǵan. 1998-jılı «Qaraqalpaqstan xalqınıń rawajlanıwın retlestiriw hám onıń geodemografiyalıq jaǵdayı» temasında kandidatlıq dissertatsiyasın jaqladı. 120 dan aslam ilimiy miynetleri baspada járiyalanǵan. Sonıń ishinde 1 monografiya, 2 oqıw qollanba, 4 oqıw-metodikalıq qollanbası baspadan shıqqan. Universitette 1990-jıldan islep kelmekte. 2020-jıldan baslap Ekonomikalıq hám sociallıq geografiya kafedrası baslıǵı lawazımında islep kelmekte.

 

 

 

Turdımambetov Izimbet Raxmetovich, geografiya ilimleriniń doktorı, dotsent.

1976-jılı 16-sentyabrde Xojeli rayonında tuwılǵan. 1998-jılı Qaraqalpaq mámleketlik universitetin tamamlaǵan. 2005-jılı «Медико-географический анализ дельты Амударьи и улучшение её санитарно-гигиенической ситуации» temasında kandidatlıq, 2016-jılı «Социально-экономические особенности улучшения нозогеографической ситуации РК» temasında doktorlıq dissertatsiyasın jaqladı. 100 den aslam ilimiy maqala hám tezisleri, 1 monografiya, 1 oqıwlıq, 10 nan aslam metodikalıq qollanbası baspadan shıqtı. İlimiy iskerligi dawamında Rossiya Federatsiyası, Avstriya, Turkiya hám Qazaqstan ellerinde ilimiy seminar hám konferentsiyalarda qatnastı. Házirgi kúnde kafedrada shólkemlestirgen 11.00.02-Ekonomikalıq hám sociallıq geografiya tayanısh doktorantura qánigeligi boyınsha shákirtler tayarlamaqta. 1998-jıldan geografiya kafedrasında islep kelmekte. 2018-jıldan baslap Qaraqalpaq mámleketlik universiteti İlimiy isler hám innovatsiyalar boyınsha prorektorı.

 

 

 

Embergenov Naurızbay Janabaevich, geografiya ilimleriniń kandidatı, dotsent.

1976-jılı 12-mart sánesinde Xojeli rayonında tuwılǵan. 2004-jılı Qaraqalpaq mámleketlik universitetin tamamlaǵan. 2011-jılı «Qoraqalpoǵiston Respublikasi aholisining o’sishi va joylashishidagi o’zgarishlar» temasında kandidatlıq dissertatsiyasın jaqladı. 100 den aslam ilimiy miynetleri baspada járiyalandı. Sonıń ishinde 1 oqıw qollanba hám 3 oqıw-metodikalıq qollanbası baspadan shıqtı. 2008-jılı Egipet mámleketiniń Kair demografiyalıq orayın tamamlaǵan. İlimiy iskerligi dawamında Avstriya, Egipet, Ispaniya, Slovakiya hám Qazaqstan ellerinde ilimiy seminar hám konferentsiyalarda qatnastı. Kafedrada 2004-jıldan baslap islep atır. 2015-jıldan kafedra baslıǵı, 2019-jıldan baslap Geografiya hám tábiyiy resurslar fakulteti dekanı lawazımında islemekte.