Ҳозирги глобаллашув шароитида олий маълумотга эга, илғор ахборот технологиялари билан қуролланган педагог кадрларни тайёрлаш мамлакатимизни ижтимоий-сиёсий ва иқтисодий салоҳиятини оширишга хизмат қилиши шубҳасиз!

2018 йилнинг 18-20-октябрь кунлари Тошкент шаҳрида «Ўзбекистон-Россия таълим форуми» ташкил қилинди. Мавжуд форум чорраҳасида жорий йил 8-9 апрелида Астрахан шаҳрида Россия ва Ўзбекистон олий ўқув юртлари ректорлари иштирокида минтақавий анжуман ташкил қилинди.

Тадбир давомида Бердақ номидаги Қоракалпоқ давлат университети ректори А.Реймов раҳбарлигидаги ҚҚДУ делегацияси Астрахан шаҳрида Россия Федерацияси Б.Б.Городовиков номидаги Қалмиқ давлат университети ректори билан учрашди.

Учрашув мобайнида икки университет ректорлари олий таълим муассасалариаро ҳамкорлик истиқболлари, илмий-инновацион ўзаро алоқа тизимини янада такомиллаштириш тўғрисида жонли мулоқот ўтказишиб, ҳамкорликда меморандум шартномасини имзолашди.

Матбуот хизмати.