2020 йил 19 сентябр куни Қорақалпоқ давлат университети ҳузуридаги илмий даражалар берувчи PhD.03/30.12.2019.B.20.04 сонли Илмий Кенгашнинг  дастлабки диссертация ҳимоя ишлари бўлиб ўтди. 

Мажлисга Қорақалпоқ давлат университети ректори проф. А.Реймов ва Илмий кенгаш раиси проф. М.Жуманов қатнашди. Улар Илмий кенгаш ишига муваффақиятлар тилади.  

Мажлисда икки масала муҳокама этилди. 1. Умумий биология ва физиология кафедраси катта ўқитувчиси Кощанов Даўлетбай Ережеповичнинг “Амударё қуйи оқими сув ҳавзаларидаги балиқ чавоқларининг озиқланиши” мавзусидаги 03.00.06 – Зоология ихтисослигидан биология фанлари бўйича фалсафа доктори (PhD) илмий даражасини олиш учун тайёрланган диссертация иши ҳимояси. 2. Умумий биология ва физиология кафедрасининг III босқич таянч докторанти Бегжанов Муратбай Қуралбаевичнинг “Фарғона водийси тўғриқанотли (Insecta: Orthoptera) ҳашаротлари фаунаси ва экологияси” мавзусидаги 03.00.06 – Зоология ихтисослигидан биология фанлари бўйича фалсафа доктори (PhD) илмий даражасини олиш учун тайёрланган диссертация иши ҳимояси.

Илмий кенгаш мажлиси якунида 03.00.06 – Зоология ихтисослигидан биология фанлари бўйича фалсафа доктори (PhD) илмий даражасини олиш учун тайёрланган бу диссертация ишлари ОАК нинг талабларига тўлиқ жавоб беради деб қарор қабул қилинди. 

 

 

Аметов Я.И.

ҚҚДУ Биология факультети декани,

Илмий кенгаш раис ўринбосари,

биология фанлари доктори