Berdaq nomidagi Qoraqalpoq davlat universiteti rektori, texnika fanlari doktori Professor A.Reymov joriy yilning 13-20 may kunlari Belorussiya Respublikasi Oliy talim muassasalarida xorijiy xamkorlikni yanada kengaytirish maqsadida rasmiy tashrif amalga oshirmoqda. Tashrif davomida 14- may kuni Vitebsk davlat texnologik universiteti rektori A.A.Kuznetsov bilan uchrashuv bo’lib o’tdi.

Uchrashuvda o’zaro manfaatli hamkorlikning istiqbolli yo’nalishlari muhokama qilindi va kelishib olindi.

• Ilmiy tadqiqotlar va qo’shma loyihalar natijalarini universitetlarning davriy nashrlarida nashr etishga ko’maklashish;
• Qo’shma ilmiy o’quv loyihalarini amalga oshirish;
• Hamkor  universitetlar negizida qo’shimcha kasb-hunar ta’limi va malaka oshirish;
• Talabalar va ilmiy tadqiqotchilar  uchun ishlab chiqarish va ilmiy amaliyotlardan o’tish.

Tashrifning davomida, munosabatlarni yanada rivojlantirish uchun bir qator yo’nalishlar bo’yicha kelishuvlarga erishildi. Ikkala tomon ham muzokaralar natijalarini yuqori baholadilar va yangi tashabbus va loyihalarni amalga oshirishda oldinga siljish istagini bildirdilar.