Vatanparvar ajdodlarimiz yodi barhayot” mavzusidagi Respublika ilmiy-amaliy konferenciyasining o‘tkazilishi haqida

Respublika Ma’naviyat va ma’rifat markazi tomonidan joriy yilning 22-sentiyabr kuni soat 10.00 da “Vatanparvar ajdodlarimiz yodi barhayot” mavzusidagi Respublika ilmiy-amaliy konferenciyasini o‘tkazish rejalashtirilgan. Ushbu ilmiy-amaliy konferenciya doirasida tarixiy qahramonlarimiz jasoratini ochib berish, ularning vatanparvarlik g‘oyalarini targ‘ib etish, mamlakatimiz mustaqilligi uchun kurashlarda alohida jasorat ko‘rsatgan ulug‘ bobolarimizni yod etish, shoir, adib va olimlarimizning vatanparvarlik mavzusidagi ijodiy-ilmiy faoliyati va ularni bugungi yosh avlodga yetkazish masalalari muhokama etiladi.

Konferenciyaga quyidagi yo‘nalishlardagi ma’ruzalar qabul qilinadi:

  1. “Vatan dardi bilan yongan ajdodlar” (Shiroq, To‘maris, Spitamen, Muqanna, Najmiddin Kubro, Jaloliddin Manguberdi, Mahmud Tarobiy, Amir Temur va boshqalar).
  2. Yoshlarni vatanparvarlik ruhida tarbiyalashda o‘zbek ma’rifatparvarlarining o‘rni va roli (Abdulhamid Cho‘lpon, Abdulla Avloniy, Mahmudxo‘ja Behbudiy, Munavvarqori Abdurashidxonov, Ubaydulla Xo‘jayev, Abdurauf Fitrat, Is’hoqxon Ibrat, Abdulla Qodiriy, Ashurali Zohiriy, Xo‘ja Muin, Botu va boshqalar).

Mazkur ilmiy-amaliy konferenciyada shu sohada ilmiy izlanish va tadqiqotlarni amalga oshirayotgan professor-o‘qituvchilar, magistrlar va doktorantlar, talabalar o‘z ilmiy maqolalari bilan ishtirok etishi mumkin.

Konferenciya uchun yuboriladigan maqolalar (90-996-07-47) telegram raqami orqali qabul qilinadi.

 

Foydali havolalar

Skip to content