Oʻqituvchi boʻlish oson emas ekan

Bugungi kunda jamiyatimizda zamonaviy va teran bilimga ega oʻqituvchilarga talab tobora ortib bormoqda. Kasbiy yoʻnaltirilgan kadrlarni tayyorlash, taʼlim tizimiga qiziqishni oshirish, kasbning ahamiyatini chuqur his qilish va tajriba ottirish imkoniyatiga ega boʻlish uchun – biz Qoraqalpoq davlat universiteti talabalari oʻqishning dastlabki kunidanoq  amaliyotni boshlab yuborgan edik. Hozirda esa ʼʼ ochiq darslarʼʼ oʻtishni  boshladik. Ochiq darslarning boshqa darslardan farqi shundaki, oʻqituvchi oʻzining imkoniyatlarini koʻproq koʻrsata olish imkonoyatiga ega boʻladi.

14-oktyabr kuni chet tillari fakulteti Xorijiy til va adabiyoti kafedrasi 405-guruh talabasi  Jumaniyazova Iroda 17-maktabning 6 -sinf oʻquvchilariga ʼʼ Bozor va supermarketlar ʼʼ mavzusida ochiq darsini oʻtdi. Unda Ingliz tili va adabiyoti kafedrasidan F. Atashova  va  N .Zairova ham qatnashdi.  Xilma- xil mashgʻulotlar bilan dars judayam qizgʻin oʻtdi. Ayniqsa, oʻquvchilarning bilimga chanqoqligini koʻrib juda xursand boʻldik.

Dars oxirida metodistlarimiz  F. Atashova,  N.Zairova va  ingliz tili oʻqituvchisi M.Buetdinova lar oʻz fikr-mulohazalarini bildirishdi. Tan olib aytish kerakki, nazariy bilimlar va amaliyot oʻrtasida ancha farq bor ekan. Oʻqituvchi boʻlish oson emas ekan. Va bu borada amliyot bizga juda katta yordam beryapti.

 

 Chet tillari fakulteti talabalari

Foydali havolalar

Skip to content