Qurilish fakulteti xotin-qizlar kengashi Nukus shahridagi «Dustlik» makon fuqarolar yigʻiniga borib MFY raysi O.Adilov, profilaktika inspektori B.Nurjanov va xotin-qizlar faoli A.Utegenova bilan birgalikda shu maxallada istiqomat qiluvchi Xotin-qizlar daftari, Temir daftar va Yoshlar daftariga roʻyxatga olingan, uyda ishsiz oʻtirgan xotin-qizlarning ruyxati bilan tanishib uchrashuv tashkillashtirdi.

 Uchrashuv davomida Qurilish fakulteti xotin-qizlar masalalari buyicha dekan maslahatchisi R.Paxratdinova shu mahalladagi ishsiz oʻtirgan xotin-qizlarning bandligini ta’minlash va ularning boʻsh vaqtlarini mazmunli tashkillashtirish maqsadida uyda ishsiz oʻtirgan «Dustlik» MFY da yashovchi A.Xudoybergenovlar oylasiga borib suhbat utkazdi. Xudoybergenovlar oylasi bilan suxbatlashganda uyida ishsiz utirgan onasi M.Matmuratova va uning qizi Sh.Xudaybergenovalarga universitetimizdagi xotin-qizlar uchun yaratilgan sharoitlar, talaba qizlar uchun «Qizlarjon» klubi qoshida tashkillashtirilgan «Tikuv» sexi, «Qoʻl hunari» «Goʻzallik saloni» hamda «Oshpazlik» toʻgaragining faoliyat yuritilayotganligi haqida, shuningdek, mahalla xotin-qizlarining shu toʻgaraklarga borib hunar oʻrganishi uchun oliy ta’lim muassasalarida yaratilgan sharoitlardan keng foydalanish imkoniyatlari xaqida keng toʻxtalib oʻtdi.
Uchrashuv davomida «Dustlik» makon fuqarolar yigʻinida yashovchi xotin-qizlar oʻzlarining qiziqtirgan savollarini berdi va tegishli javoblarni oldilar.

R.Paxratdinova

Qurilish fakulteti xotin-qizlar
masalalari buyicha dekan maslahatchisi