Iqtisodiy va ijtimoiy geografiya kafedrasi universitetda daslabki tashkil etilgan kafedralardan biri asosida tuzilgan bo’lib, QQDU tarkibida ilk bora ushbu nomdagi kafedra 1992-yili geografiya kafedrasining tabiiy geografiya va iqtisodiy geografiya kafedralari bo’lib ikkiga bo’linishi bilan tashkil etildi. İqtisodiy geografiya kafedrasiga 1992-1997 yillar oralig’ida dotsent E.Umarov raxbarlik qildi. 1997-yili tabiiy va iqtisodiy geografiya kafedralari geografiya kafedrasi bo’lib qayta biriktirilib, kafedraga 1997-2009 yillar oralig’ida dotsent P.R.Reymov, 2009-2015 yillarda dotsent G.A.Xodjaeva, 2015-2019 yillar oralig’ida dotsent N.J.Embergenovlar raxbarlik qildi. 2019-yili kafedra Geografiya va gidrometeorologiya deb nomlandi va kafedra mudiri lavozimiga dotsent K.J.Allanazarov tayinlandi. 2020-yilning 2-oktyabr sanasidan boshlab bu kafedra ikki kafedraga yani «Tabiiy geografiya va gidrometeorologiya» va «Iqtisodiy va ijtimoiy geografiya» kafedralariga ajratildi. Hozirgi kunda «İqtisodiy va ijtimoiy geografiya» kafedrasi mudiri lavozimida dotsent G.A.Xodjaeva ishlab kelmoqda.
2021-2022 o’quv yilida iqtisodiy va ijtimoiy geografiya kafedrasida 8 shtat bo’lib, unda 9 professor-o’qituvchi: shundan 1 ta fan doktori, 2ta fan nomzodi, 2 ta katta o’qituvchi, 3 assistent, 1 stajyor o’qituvchi ishlamoqda va 3 tayanch doktorant ilmiy-tadqiqot ishlarini olib bormoqda. Kafedra professor-o’qituvchilari o’quv, o’quv-metodik, ilmiy-tadqiqot va talim-tarbiyaviy ishlarga faol qatnashib kelmoqda. Kafedra yangi tashkil etilgan yosh kafedra bo’lishiga qaramasdan kafedraning professor-o’qituvchilari tomonidan so’ngi 3 yil mobaynida 1ta monografiya, 5 darslik va o’quv qo’llanmalar nashrdan chiqdi hamda 20 dan ortiq maqolalar ilmiy jurnallarda: shundan 6 maqola chet el ilmiy jurnallarida, 3 maqola xalqaro bazalardagi (scopus, web-of-science, googleschoolar) jurnallarda, 50 dan ortiq maqola, tezislar xalqaro va respublika ko’lamidagi konferentsiya materiallari to’plamlarida chop etilgan.
Kafedra Respublikaning bir nechta tayanch oliy o’quv yurtlari bilan ilmiy va ilmiy-pedagogik kadrlar tayyorlash bo’yicha shartnomalar tuzgan. Asosan, Wzbekiston Milliy universiteti, Samarqand davlat universiteti, Urganch davlat universiteti, Wzbekiston Respublikasi Fanlar Akademiyasining Seysmologiya instituti, Wzbekiston Respublikasi irrigatsiya va suv resurslari institutining Qoraqalpog’iston bo’limlari bilan yo’lga qo’yilgan aloqalar katta natijalar bermoqda.
Hozirgi kunda kafedrada geografiya fanlari doktori, kafedra docenti I.Turdimambetov raxbarligida FZ-201908019 – “Qoraqalpog’iston Respublikasining tibbiy-geografik vaziyatini yaxshilashda nozogeografik xaritalarni ishlab chiqish va ulardan foydalanish” mavzusida davlat byudjetidan moliyalashtirilgan fundamental mavzuda ilmiy-tadqiqot ishi olib borilmoqda. Bu mavzu 3 yilga mo’ljallangan bo’lib, unga jami 690 mln so’m mablag’ ajratilgan. Olib borilayotgan ilmiy-tadqiqot ishlari natijasida Qoraqalpog’iston Respublikasining tibbiy-geografik vaziyatini yaxshilash bo’yicha takliflar beriladi va nozogeografik xaritalar ishlab chiqiladi. Kafedra tomonidan olib borilayotgan davlat fundamental va amaliy mavzularda talabalar, magistrantlar va doktorantlar faol qatnashib, o’zlarining ilmiy-tadqiqot ishlarini olib bormoqda.
Kafedra qoshida 11.00.02-Iqtisodiy va ijtimoiy geografiya mutaxassisligi bo’yicha tayanch doktorantura tashkil etilgan bo’lib, hozirgi kunda 3 doktorant: M.Oteuliev, K.Utarbaeva va YU.Urazimbetovalar ilmiy-tadqiqot ishlari bilan shug’ullanib kelmoqda.
İqtisodiy va ijtimoiy geografiya geografiya kafedrasining ilmiy darajaga ega professor-o’qituvchilari
|
|
Xodjaeva Gulya Ashirbaevna, geografiya fanlari nomzodi, dotsent. 1968-yili 8-martta Taxiyatosh shahrida tug’ilgan. 1990-yili Nukus davlat universitetini tamomlagan. 1998-yili «Геодемографическая ситуация и регулирование развития населения Каракалпакстана» mavzusida nomzodlik dissertatsiyasini himoya qilgan. 120 dan ortiq ilmiy mehnatlari chop etilgan. Shundan 1 monografiya, 2 o’quv qo’llanma, 4 o’quv-metodik qo’llanmasi bosmadan chiqqan. Universitetda 1990-yildan boshlab ishlab kelmoqda. 2020-yildan boshlab, İqtisodiy va ijtimoiy geografiya kafedrasi mudiri lavozimida faoliyat yuritmoqda. |
|
|
Turdimambetov İzimbet Raxmetovich, geografiya fanlari doktori, dotsent. 1976-yili 16-sentyabrda Xo’jayli tumanida tug’ilgan. 1998-yili Qoraqalpoq davlat universitetini tamomlagan. 2005-yili «Медико-географический анализ дельты Амударьи и улучшения ее санитарно-гигиенической ситуации» mavzusida nomzodlik, 2016-yili «Социально-экономические особенности улучшения нозогеографической ситуации РК» mavzusida doktorlik dissertatsiyasini himoya qilgan. 100 dan ortiq ilmiy maqola va tezislari, 1 monografiya, 1 darslik, 10 dan ortiq metodik qo’llanmalari bosmadan chiqqan. İlmiy faoliyati davomida Rossiya Federatsiyasi, Avstriya, Turkiya va Qozog’iston davlatlarida ilmiy seminar va konferentsiyalarda qatnashdi. Hozirgi kunda kafedra qoshida tashkil etilgan 11.00.02-İqtisodiy va ijtimoiy geografiya tayanch doktorantura mutaxassisligi bo’yicha shogirdlar tayyorlamoqda. 1998-yildan universitetda ishlab kelmoqda. 2018-yildan boshlab Qoraqalpoq davlat universiteti İlmiy ishlar va innovatsiyalar bo’yicha prorektori lavozimida ishlamoqda. |
|
|
Embergenov Naurızbay Janabaevich, geografiya fanlari nomzodi, dotsent. 1976-yili 12-mart sanasida Xo’jayli tumanida tug’ilgan. 2004-yili Qoraqalpoq davlat universitetini tamomlagan. 2011-yili «Qoraqalpog’iston Respublikasi aholisining o’sishi va joylashishidagi o’zgarishlar» mavzusida nomzodlik dissertatsiyasini himoya qildi. 100 dan ortiq ilmiy mehnatlari nashrdan chiqqan. Shundan 1 o’quv qo’llanma va 3 o’quv-metodik qo’llanmasi bosmadan chiqdi. 2008-yili Misr mamlakatining Kohira demografik markazini tamomlagan. İlmiy faoliyati davomida Avstriya, Misr, İspaniya, Slovakiya va Qozog’iston davlatlarida ilmiy seminar, konferentsiyalarda qatnashdi. 2004-yildan universitetda ishlab kelmoqda. 2019-yildan boshlab Geografiya va tabiiy resurslar fakulteti dekani lavozimida foaliyat yuritmoqda. |
