Бизнинг юртимиз қадим даврларданоқ илм ва фан ривожланган ўлка бўлиб, ўзининг ажойиб талантли олимлари билан дунёда машҳурдир. Бошқа илмлар билан бир қаторда математиканинг ҳам ривожланишига буюк алломаларимиз катта ҳисса қўшган.

Бугунги кунда ҳам юртимизнинг математик олимлари ўзларининг илмий мактабларини яратиб, элимизнинг шуҳратини дунёга танитмоқда.

Шу сингари дунёга белгили ва машҳур математик олимлардан бири – физика-математика фанлари доктори, профессор, академик, Ўзбекистон Республикаси илм фаҳрийси, Ўзбекистон Республикаси Фан ва техника соҳасидаги биринчи даражали Давлат мукофоти лауреати Шавкат Аюпов ҳисобланади.

Ўзбекистон Республикаси Фанлар академияси В.И.Романовский номидаги Математика институтининг директори, академик Ш.Аюпов бугун Қорақалпоқ давлат университетининг Физика-математика факультети талаба-ёшларига дарс бериш мақсадида келди.

Дастлаб академик Ш.Аюпов университетимизнинг ректори А.Реймовнинг қабулида бўлиб, Ўзбекистон Республикаси Фанлар академияси В.И.Романовский номидаги Математика институти ва Қорақалпоқ давлат университети ўртасида ўзаро ҳамкорликни ривожлантириш масалалари бўйича фикр алмашишди.

Ш.Аюповнинг илмий қизиқиши операторлик алгебралар назариясининг, нокомутатив интеграллашнинг,  операторлик алгебрадаги Йорданлик ва Ли структураларнинг, дифференциаллаш ва  автоморфизмларнинг, Лейбниц алгебраларнинг ва шу каби ноассоциатив алгебраларнинг структуравий назариясининг мураккаб ва долзарб муаммоларини қамраб олади.

Жорий йилнинг 18-20 апрель кунларида академик Ш.Аюпов Қорақалпоқ давлат университети Физика-математика факультетининг иқтидорли талабалари ва магистрантларига операторлик алгебранинг долзарб муаммолари бўйича маърузалар ўқиди.

Дарҳақиқат, бундай атоқли олимларнинг университетимизда дарс бериши талаба-ёшларимизнинг илм ва фан сирларини янада чуқурроқ эгаллашига ўзининг ҳиссасини қўшиши аниқ.

С.Сердалиев,

ҚҚДУ магистранти.