Жорий йилнинг 14-22 сентябрь кунлари оралиғида Қозоғистон пойтахтида ўтказилаётган спорт курашлари бўйича жаҳон чемпионатининг 17 сентябрь куни вакилларимиз учун омадли кечди. -77 килограммда классик курашчимиз, Бердақ номидаги Қорақалпоқ давлат университетининг жисмоний маданият факультетининг 4-курс талабаси Жалгасбай Бердимуратов бронза медали учун мусобақа мезбонларидан бири Асхат Дилмуҳаммедовга қарши баҳс олиб борди.

Кескин ва муросасиз кечган беллашувда ҚҚДУ талабаси Ж.Бердимуратов 3:1 ҳисобида ғалаба қозонди ва бронза медали билан тақдирланди. Шунингдек, у Токио Олимпиадасида иштирок этиш ҳуқуқини ҳам қўлга киритди.

Ж.Бердимуратов юнон-рум кураши бўйича Ўзбекистон чемпионлигини қўлга киритиб, ҚҚДУга имтиҳонсиз  талаба бўлган. Бир неча бор Ўзбекистон чемпиони. 2017 йилнинг 15-17 июнь кунлари Хитой Тайпейнинг Тайчжун шаҳрида бўлиб ўтган Осиё чемпионатида 1-ўринни эгаллаган.

Жалғасбай Бердимуратов Токио олимпиадасида ҳам Ватанимиз байроғини баландларга кўтаришига ишонамиз.

Матбуот хизмати.