2019 йил 23 сентябрда Ўзбекистон Республикаси Вазирлар Маҳкамасининг “Олий таълим муассасалари раҳбар ва педагог кадрларининг узлуксиз малакасини ошириш тизимини янада такомиллаштириш бўйича қўшимча чора-тадбирлар тўғрисида” ги ВМ-797-сонли қарори қабул қилинди.
Қарорга мувофиқ 2019 йил 1 октябридан олий таълим муассасалари раҳбар ва педагог кадрларнинг узлуксиз малакасини ошириш тизими амалиётга жорий этилади.
Шунингдек, қарорга биноан:
– олий таълим муассасалари раҳбар ва педагог кадрларини қайта тайёрлаш ва уларнинг малакасини ошириш марказларида камида учта штат бирлигидан иборат Таълим технологиялари кафедралари ташкил этилади;
– олий таълим муассасалари педагог кадрларини қайта тайёрлаш ва уларнинг малакасини ошириш минтақавий ва тармоқ марказлари тузилмасига халқаро ҳамкорлик бўйича мутахассис лавозимини киритилади.
– Тошкент давлат аграр университети ҳузуридаги педагог кадрларини қайта тайёрлаш ва уларнинг малакасини ошириш тармоқ марказида Балиқчилик йўналиши кадрларини қайта тайёрлаш ва малакасини ошириш марказининг фаолияти йўлга қўйилади.
Manba: https://edu.uz